كااااارتوون كاااارتوون هو هو !! :d

[تغريد الطيور]

(لسلامـ عليكمـ و رحمة الله و بركاته )

*********

ف زمنا دا مش لاقيين نتفرج على حاجة عدلة ف التليفزيون احسن من الكارتون فبنتفرج عليه كبير و صغير

و من القنوات اللى ظهرت ف الآونة الاخيرة " نيكلوديون " و أكيد أغلبيتنا عارفينها سواء كان اخواته الصغيرين بيتفرجوا عليها أو حتى نفسه
و انا من متابعين نيكلوديون دى جدااااا لدرجة انى حفظت الحلقات

و بقول لـ اللى بيتابعوها : مش ملاحظين حاجة على الكارتونات او الكراتين ( مش عارفة الجمع بصراحة ) ان كلهمـ بيلفوا و يدوروا حاولين فكرة واحدة ألا و هى

الحب و المرهقة

على سبيل المثال ( المراهقة الآلية ) نفسها تلاقى صديق و تحب و تتحب و عندك شيلدون بيحبها و نفسه تبقى جنى صديقته

( حكايات جنجر ) الحجة جنجر دى بتحب ايان و بعد كدا اكتشفت ان ايان بيخدعها و بقيت بتحب ساشا ... الخ

( دانى الشبح ) دانى دا بيحب سالى صحبته و سالى بتحبه بس مفيش حد عارف و هوا بيحب برده ياسمينا عشان يبقى مشهور

و ( جميى نيوترون ) بيحب ساندى و ( هيا آرنولد ) آرنولد بيحب روز و هيلجا بتحبه بس بصدق
و .. الخ

دى حتى المسلسلات الاجنبية اللى المفروض تكون طفولية بتدور حوالين نفس الفكرة السيئة لدرجة انى حلفت انى مش هاتابعها لانى حسيت بالذنب جامد لان كدا مفيش فرق بينى و بين اللى بيتابع مسلسلات عربية .

بجد انا زهقت !! اي دا ؟؟ هى دى الكارتونات اللى اخواتى بيسماعوها عشان نتربى على الاخلاق و نكبرش على المسلسلات ( نظرية بابا )


انا بجد مش عارفة اتفرج على ايه مفيش غير كونان و الله


يعنى دلوقتى مسلسلات فى كل مكان و على كل قناة .. افلام فى كل حتى .. و دلوقتى كارتون مش كويس بيعلمـ الاطفال الصفات الوحشة .

دلوقتى المفيد ف التلفزيون هو الحاجات دى

اخبار + دين + ثقافة = تليفزيون

دا انا من كتر انى زهقت من الكارتون عملت المعجزة و اتفرجت على برنامج علمى حتى بابا و هوا معدى من الاودة بص عليا و كأنه بيقول ( هى دى نور بنتى و لا كائن فضائى حبسها و اتنكر ف زييها ) شوفتو حتى التفكير طفولى .


و الله بجد انا حاسة ان عقلى باظ من الكارتون بقيت بفكر تفكير طفولى جداااااااااا


دلوقتى انا عايزة آخد رأيكوا :

الكارتون ف رأيكوا كويس و لا مش كويس !


و دلوقتى احنا نعمل ايه عشان عقول الاطفال ما تبوظش من الكلامـ الفاضى اللى بيتكلموا عنه دا !


NouR