مجرد احلام

ام ياسين وآمر · #1 26-06-2011, 04:42 PM

بعد السلام والتحيه نمت شويه وانا صاحيه قصدي اني استهبلت وعملت نايمه عشان احلم
. حلمت اني معاذ الله بقبض الحد الادني للاجور1200 وبما اني الدرجه الثالثه بصيت لفوق شويه وقبضت 1500 جنيه طبعا لازم افكر هعمل بيهم ايه؟؟؟؟؟؟؟؟ وحبيت تشاركوني احلامكم

بصوا بقي اول حاجه هعملها هروح محل ملابس ابن ناس واشتري كام طقم كده لزوم الشياكه وطبعا هعدي علي محل عم عبده اللي بيبيع بالتقسيط وهعمل اني مشفتوش.

بعد كده هشتري موب ولاب ولازم يكونو احدث موديل لزوم الانتكه

بعد كده هضطر اركب مواصلات لأقرب وافخم معرض عربيات ومع وضعي الجديد مش هقبل اقل من همر
وهشتري واحد للنهار

و واحده للخروج بالليل

كده مبقاش ناقصني غير العريس ايه رأيكو ده

ولا ده

وطبعا بعد الجواز هجيب ارطه عيال طلعو عيني

وبعد كده جوزي قاللي سيبي الشغل عشان العيال فاضطريت اصحي من النوم علي الواقع
مفيش فلوس
مفيش موب ولاب
مفيش عربيه
ومفيش عرررررررررريس
ولقيت عم عبده بينادي عليا عشان القسط المتأخر
واقعدو بالعافيه طولت عليكو بس امانه تقولولي بتحلمو بإيه ماديااااااااا