هل نخن نستحق أن يكون لنا نصيب من إنجازات الثورة؟؟ حوار مفتوح للنقاش

[sahar_ali9]

المرتب الجديد بعد التعين حوالى 700 لالا 800 لالاانا سمعت انها

مش هتكو ن اقل من 900 لالا ياعم هما اكتر شويه 1200

يا ناس احمدوا ربنا مهما كان احسن بكتيررررررر اوى من الاول

وبعدين كل المعلمين لالا اسف الا القليل اوى قاعدين وعايزين حد يجبلهم حقهم

حد يعرف معلم شارك فى الثوره ممكن بس قليل اوى اوى كل المعلمين قاعدين خلف الكمبيوتر ومستنى يفتح
يلاقى مرتبه 2000 جنيه وهو قاعد

اكتر وقفه عملها المدرسين كانت حوالى 150 جنيه لا اسف 150 مدرس

يا ناس دا معظم المدرسين كانوا شغالين دروس ايام الثوره

والدراسه تتاخر وهما مبسوطين شغالين بره وكدا كدا هياخد مرتبه

انا اسف بس هيا دى الحقيقه الا القليل

دا كان ما كتبه الاستاذ أحمد ورد عليه البعض باستخفاف وقد رددت على هذا الموضوع وكان ردي كالتالي :

إحنا كدا لما حد يكلمنا في الصح ويدوس على الجرح بتاعنا ويكشف حقيقتنا نتريء عليه ونسخف من رأيه مع أن الأستاذ أحمد مكتبش غير الحقيقة وكشف نفسه وكشفنا كلنا وعرانة أمام نفسنا فعلا الثورة كانت شغالة وكلنا مشغولين بالدروس ومبسوطين مش عشان بلدنا بتتغير لالالالالالالالالا كنا مبسوطين عشان المدارس اتأخرت وهنسبق المنهج ومرتاحين من المدارس والصحيان بدري ويا سلام كنا في قمة التفاعل مع الثورة كلنا بعد ما نخلص شغلنا نقعد أمام شاشات الكمبيوتر ونتابع الأحداث اللي بتجرى ويا سلام نعلق على الموضوعات بكلمات مثل ( مشكووووووووووووووووووور ) ( بارك الله فيك ) ( كلنا معاكم ) وتعليقات من هذا القبيل.
والأدهى والأمر إننا كلنا لسه لحد دلوقتي قاعدين أمام شاشات الكمبيوتر نكتب تعليقات ونندب حظنا وقال إيه مش عاجبنا الوزير ولا سياسة الدولة ولا الميزانية الجديدة وعايزين ندخل في الحد الأدنى ويا ترى هيطبق علينا ولا لا وكله بس بالكلام وقلنا هنعمل وقفة احتجاجية واعتصام يوم 7 / 6 وكان النزول الجارف للمدرسين يا سلام 30 مدرس فعلا احنا فعالين وهنتطور وهناخد حقنا.

لي بعض الاستفسارات
1. هل نحن معلمون؟؟؟؟؟ المعلم هو من يعلم التلاميذ ويربيهم على أن يكونوا قادرين على أخذ حقوقهم والمطالبة بها ( فاقد الشيء لا يعطيه ) لكم التعليق.
2. هل نحن فعالين في المجتمع؟؟؟؟؟؟؟ المعلمين فعالين في المجتمع ولكننا نخاف من التعبير عن رأينا ولا نشارك في الأحداث الجارية وليس لنا دور في مجتمعنا ( فكيف نزرع في التلاميذ قيمة المشاركة الفعالة في المجتمع؟ )
3. هل سيطبق علينا الحد الأدنى؟؟؟؟؟؟ كيف والحد الأدنى يطبق على الدرجات ونحن ليس لنا درجات؟؟؟؟؟؟
4. أيهما أفضل لنا الحد الأدنى أم الكادر؟؟؟؟؟؟؟؟ الحد الأدنى للموظفين ذوي الدرجات الثابتة في الحكومة. أما الكادر فيسمح لك بأن تأخذ الحد الأدنى ويضاف عليه كادر المعلمين ولكن لا بد أولا بأن نثبت على درجات وظيفية ثابتة ( فليكن مطلبنا الأول التثبيت على درجات وبالتبعية نأخذ الحد الأدنى ثم الكادر الخاص بنا )

فقد أبديت رأيي ولكم التعليق

وقد أثرت أن أضعه في موضوع منفصل للرد عليه والتحاور الجاد والعقلاني ولا أريد التعليقات المأثورة ولا العنترية الغير واعية والتي اشعر كثيرا بجها من يكتبها إما عن جهله فعلا أو لأنه أراد فقط الاستخفاف أو أنه من محبي الظهور ( الواد القرن يعني اللي بيفهم والباقون لا يفهمون )
أرجو المعذرة إن كنت قد تجاوزت في بعض العبارات ولكن ما قرأته في المنتدى خلال الفترة الماضية أصابني بالإحباط تجاه مستقبل التعليم في مصر
واسف مرة أخرى
ولكم التعليق