عايز رأيكم اعد من الدروس بقي ولا لسة وكمان عايز جدول مذاكرة للجيولوجيا

[blackarmy50]

السلام عليكم

ياجماعة عايز اخد رأيكم اني اقعد بقي من الدروس ولا لا اصل بحس ان الدروس دي مضيعة للوقت وكمان انا ممكن اذاكر كويس جدا من مذكرات والمراجعات اللي بيقدمها المدرسين هنا.... الوقتي انا عايز اطلع من 3 دروس جيولوجيا وعلم نفس وفلسفة اما العربي والإنجليزي دول ساهلين فهكمل فيهم ياريت تقولولي رأيكم
بالنسبة للجيولوجيا انا ممكن اقسمها واذاكرها بس محتاج منكم جدول كدة حد يظبطني فيه وكمان انا اساسا تقدروا تقولوا كويس في الجيولوجيا بنسبة 60% والـ40% الباقين دول انا عندي فكرة عنهم بس محتاجين بقي يتذاكروا ويتراجعوا عليهم فياريت حد يحطلي جدول كدة كويس للمادة دي ويحط في اعتباره الأبواب التقيلة والطويلة حيطلها مثلا يومين مذاكره.... وياريت لو الجدول يظبط علي اني اخلص الجيولوجيا واعينها علي جنب ليوم الإمتحان وانا مطمن قبل العشر ايام بتوع العربي.
وبالنسبة لعلم نفس والفلسفة عاديين انا اقدر اذاكرهم (مش هقدر اقول لحد يعملي جدول ولا اي حاجة لمذاكرة دول لأن دة مش قسم المادة المناسب)...

وشكرا ومتنسوش عايز رأيكم اكمل في الدرس ولا اطلع منه واذاكر في البيت وبرضه قولولي انتم قاعدين في البيت بتذاكروا ولا لسة في الدروس.

ملحوظة: اما انا بقول مثلا هكمل في دروس الإنجليزي والعربي فدول بالنسبالي سهلين اما انا اما بقول هعد من دروس معني كدة اني عايز اراجع واذاكر علي مزاجي وبراحتي لأن ساعات المدرس بيبقي بيراجع في درس وانا عايز اراجع درس تاني اهم وحاسس اني ضايع فيه.

واسف جدا علي تطويلي.

وشكرا......