ليه العنوسة بتزيد ومش بتقل !!! ياريت الدخول 13/4/2011 ريهمسة

ريهمسة · #1 13-04-2011, 10:06 PM

السلام عليكم
من المشاكل الاجتماعية حاليا الزواج!!!
يعني انسان يبقي عايز يتقدم لاي فتاة ما
يروح طبعا لوالدها واللي انتوا عارفينه
المهم في طلبات الاب من العريس (الدهب -المهر - المؤخر - الشقه وووووووو)
عندي هنا بقي سؤال ياتري الاب عنده الحق في الطلبات دي علشان يضمن مستقبل بنته ولا لآ؟؟؟؟
خصوصا الايام دي مفيش حاجه بقت مضمونه خالص
وازاي العريس يقنع الاب انه مش ضروري مثلا دهب لانه مولع ناااار وممكن نخلص الحاجات بس مش فوق اووووي يعني خير الامور الوسط

والبنت برده عندنا بشرب من دم ابوها بدل الحاجه 2 و 3 يعني بتخرب البيت
كل الناس كده ولا انا اللي شايفه ده بس!!!!

في نقطه بقي مهمه
طبعاا عدد البنات فاق عدد الشباب بمراحل ودي من علامات القيامه
لما البنت تكون مؤهل عالي ويتقدم لها مؤهل متوسط ده عادي
لو كان انسان محترم ومؤدب وشغال كويس مش مشكله حكاية المؤهل !!!

في حاجاات كتيرة طبعاا ياريت نتناقش فيها و ايمان تحللنا المواقف دي
وربنا يرزقنا الازواج الصالحة والذريات الصالحة