" هو احنا امته بنتفارق عشان نتقابل " بقلمى .. سمر سعد

[samar saad]

بسم الله الرحمن الرحيم
السلام عليكم ورحمة الله وبركاته
بجد وحشنى جدا انزل حاجه بقالى كتير اوى ماكتبتش
وكنت حابه تقولولى رأيكم فى الخاطرة دى
يارب تعجبكم يارب
كتباها من قبل الثورة بكتير
واتمنى تعجبكم ان شاء الله

.................................

هو احنا امته بنتفارق ..عشان نتقابل

　
　
اه انا عايشة خايفة ومش مطمنة
نفسى فيوم تسمع دقات قلبى وازاى بخاف عليك انا
على قد قربنا كتير بحس ببعدنا
وكأن الناس بيحسدونا على كل يوم بيضمنا
قولى ليه بخاف وانت دايما تقولى اطمنى
خايفة يجي بكرة وبغدره يهدنى
هو احنا امته بنتفارق ..عشان نتقابل

هو حلم حلمته ونفسى احققه
وكل يوم يعدى بشوفه فيك واصدقه
دا انا حلمى واصل للسما..ومحتاج سنين عشان نوصله سوا
بس سمعاك دايما تقولى ..صدقينى دى السنين بتفوت هوا
اوعدنى دايما نكون سوا..اوعدنى دايما ماخفش من امر الهوى
اه لو السنين ترجع تانى.. كنت اخترت نعشها سوا
وهو احنا امته بنتفارق ..عشان نتقابل

دلوقتى صعب تلاقى واحده طيبة
ولو زمان بعدنى هكون ليك دايما قريبة
دا انا دايما ضعيفة من يوم مابقينا سوا
وكأنك خدت قوتى عشان تحميها من حزنى انا
بس يوم ماتجرح فيا رجعلى قوتى..عشان هقسا عليك يومها عشان ضيعتلى فرحتى
وهو احنا امته بنتفارق.. عشان نتقابل

احنا قصة فى كتاب بنقراه فى مكتبة الاحلام
كل يوم بنام وبدور على اجمل عنوان
وكأنها حدودته حلوة بنقرأها لطفل قبل ماينام
قصة اتنين اتقابلوا وعمرهم ماكانوا فى يوم عشاق
بطل وبطلة عاشوا يهزموا جرح الاحباب
كل يوم بنقرأها دايما من الصبح لحد المنام
بفتح اول صفحه دايما على اجمل كلام
لكن مستحيل الناس يفهموه
عشان مستحيل غيرنا هيحسوه
وهو احنا امته بنتفارق..عشان نتقابل

نفسى اخر يوم فى عمرى ..اكون جمبك ونكون سوا
تودعنى بأجمل بسمه..وتقولى ادى السنين فاتت هوا
لكن هنروح لفين ..ما احنا لسة هنتقابل وهنكون سوا
لكن مش فى دنيانا .. نفسى تحافظ على الكنز اللى قلبى بيه دايما وصانا
انا مش عايزة اقبلك بس فى دنيايا..انا نفسى اشوفك فى الجنه تانى وتكون ويايا
وهو احنا امته بنتفارق .. عشان نتقابل

بقلمى / samar saad