هام لمعلمى الاسكندرية اللى جالهم قرار التعيين ومستوفيين الشروط وإللى لسه

[aleman]

السلام عليكم
ازيكم اخواتى واخوانى
عاوزة بس اطمنكم لان الناس كلها بتقول فين الاسكندرية من الكلام ده كله ومن قرارات التعيين الفعلية
وعارفة ان اكتركم بيروح الاكاديمية يسأل يلاقيها مش فاضية لينا
مشغولة باوراق اللى لسه ممتحنوش ربنا يكرمهم زينا يارب
واللى يروح الادارة مافى حد بيفيده خالص
احنا زميلتنا قريبتها باحدى الادارات
صرحت لنا انهم مستنين محافظ يتعين لان المحافظ المفروض هو اللى يؤشر ويقر التعيين
ولان الاسكندرية بلا محافظ الان فأعتقد انهم مستنينه
يعنى الموضوع موضوع وقت مش اكتر
وأفكركم تانى لسه امامنا شهر 3بحاله
احنا رسمى عند الحكومة معلم مساعد لحد 31/3/2011
اما عن موضوع إلغاء الاكاديمية فالاكيد انها مش هتتلغى لسبب بسيط ان الكادر فاتح بيوت ناس كتير متعينة فعلا
يعنى اللى مرتبه300ج بالكادر بقى700 مثلا وهكذا فقرار إلغاء الاكاديمية وامتحان الكادر مش احنا بس اللى من حقنا نفتى فيه بل الاساسيين كمان
ويكفى اقولكم ان مرتبنا زى مانتوا عرفين كان314ج بالكادر اصبح386ج( وده بعد الاطلاع على مفردات المرتب ووجدت فعلا ان الزيادة دى زيادة كادر مكتوبة كده)
اما عن الدليل على ان اللى لسه ممتحنش هيتعين برده زينا فهو ان برده زمايلنا اللى لسه ممتحنوش من المعلمين المساعد مرتبهم زاد بقى من314ج الى346ج تقريبا(والزيادة دى زيادة كادر برده)فالموضوع باذن الله محسوم
ادخل ذاكر وامتحن واكتب رقم جلوسك واسمك صح وانتا باذن الله ناجح ومتعين زينا باذن الله
والله الموفق
واللى عاوز يسأل فى حاجة ياريت يطرح سؤاله