((((برنامج " هاتتحل المشكلة عالهوا " الموسم الاول))))

[تغريد الطيور]

المشاركة الأصلية كتبت بواسطة mohamed.helmy

ميرســـي جدا ربنا يخليـــكي ...

حاضــر

و الله أنا كنــــت أكتر مادة بحبها هي الفرنســـاوي .. و كنت كويس فيه الحمد لله ..

بس بعــد أما دخلــت ثالثة ثانوي .. حبيت علــم النفس أكتر ..

علم النفس أساسا انا كنت حابه من قبل ما أبدأ دراسة .. لاني بحب جدا موضوع المادة نفسها اللى هي النفس البشرية و بتدرسيها بقى بالتفصيل و السبب اللى خلاني أحبها .. المســتر اللى بيدينى درس بصراحة .. ماشاء الله عليه .. و كمان كنت بحب دروس التمنية البشــرية للدكتور ابراهيم الفقي فعلشان كده بحب المادة دى جدا ..

الرياضــيات..

يا ساتر يارب ..
مــادة رخم بشكـــل
هو علشان منظلمش المادة طبعا .. العيب فيا أنا .. بحب أذاكر المواد اللى تتذاكر فى أى وقت .. يعنى معظم المواد الادبية ممكن تقعدي فترة متذاكريهاش بس ترجعي تذاكري تاني عادي ..
لكن الرياضة و الفيزياء و الحاجات دي عاوزة حل على طول ومش عايزة أهمال..
و كرهتها أكتر بعد ماجبت النتيجة و شوفت درجتها .. ضيعتني ..بس الحمد لله على كل شئ .

ااه.. بصي بصراحة انا نفسي أطلع حاجتين.. و الاتنين ملهمش علاقة ببعض ...

الحاجة الاولي و يارب يعنى أشتغلها .. انى أكون رسام و ديزاينر فى شركة كبيرة كده .. باذن الله يعني

الحاجة التانية .. ابقى وكيل نيابة

بس انا بحكم حبي للرسم أفضل الاولي..

السؤال مش واضح اوي .. بينقسم لوقتين

.. فى الدراسة ولا فى الصيف.. أصل فى الصيف كله بيسهر يعنى

لكن فى الدراسة برضه بتنقسم لحاجتين .. اذا كنت بروح المدرسة اولا ..

اذا كنت بروح المدرسة طبعا مش هينفع أسهر و مش بأيده ..
لكن لو مش بنروح زي حالنا ده كده
بأيده .. بس مش دايما بسهر و بذاكر .. بصراحة يعنى

هو أنا كنت بذاكر فى سنة تانية أكتر بكتير من السنادي .. مش عارف ايه جرالي بس ربنا يستر .

فى أيام كتير اوي مش بذاكر فيها ..

بس لو ذاكرت غالبا بتبقى ساعتين فى اليوم .. بس لو حصلت يوميا ساعتين فى اليوم يبقى تمام اوي ..
يكفوا يعنى مذاكرة الحمد لله .بس مشكلتى انى مش بذاكر كل يوم

مش بوقت و الله .. بس لما أبقى فايق .. يعنى وقت أما تبقى دماغي رايقة بصلي ركعتين و أبدا مذاكرة بس مش فى وقت معين ...بس ببقى مرتاح نفسيا أكتر بعد صلاة الفجر ..بس ده لو كنت صاحي أصلي و هذاكر ..

لكن لو كنت سهران ... بصلي الفجر و أنام

اني بزهق بسرعة .. اذاكر 10 دقائق و أقوم أعمل أى حاجة فى حوالي نص ساعة و ممكن أقوم و مرجعش أذاكر تاني

المشكلة انى واثق فى نفسي اوى انى هخلص فبزهق بسرعة و اقول ياعم دول قليلين هيخلصوا بسرعة .. و مش بيخلصوا

انا يعنى السنادي تقدري تقولي انى مليش مكان معين زي السنة اللى فاتت .. يعنى كان المكتب السنة اللى فاتت بس السنادي وقت ما أحب اذاكر بذاكر فى أى مكان قدام التليفزيون أو على ترابيزة الكمبيوتر و دي بتحصل كتير معايا .. اخطط فى الورق شوية و أشوف المنتدى شوية

طبعا ده مش صح بس ربنا يصلح الحال .. دعواتكم

[center]

لا لانى مش بشوفهم كتير ... ولو شوفتهم فى الدروس بيبقى بقالنا كام يوم مشوفناش بعض فبنهزر مع بعض و مش بنتكلم فى الدراسة كتير ..


لكن أصحابى فى المنتدى و و كده فى كتير منهم بيجعونى و تعبوا من كتر المناهدة معايا ..

بس ربنا يسهل

لا و الله بالعكس انا حاسس انى انا صدعتكم

بجد برنامج جميل اوى و فكرته تحفة ..

love ur life

***********

بجد أستمتعت جدا بالبرنامج و الله ...

ربنا يبارك فيكي يا نـــور و يجعله فى ميزان حسناتك ان شاء الله ..

شكرا لسمـــر سعد انها أدتنى الفرصة الجميلة دى أنى اطلع فى البرنامج الاجمل ده .. و الله أسعدتوني ..

فى رعاية الله

جزاك الله خيرا

كانت مقابلة راتئعة و شكرا انك حضرت معانا

و ان شاء الله تطلع اكبر رساااااااام فى الدنيا

و احنا طبعا مستنيين سمر العسووووووولة 2