تعلب وقرد وكلب وديب*شعر أسامة سرحان

[أسامةوبس]

تعلب وقرد وكلب وديب

الكل عامل ليكى حبيب

بياكلوا فيكى وبينهشوكى

حقك عليا وفرجُه قريب

دول مش ولادك ولامنك

دول غيرانين بس إكمنك

خلفتى لينا زويل ونجيب

وهما فى الجهل إتولدوا

واللى يشوف جهل فـ بلدوا

على غيره دايما ياحبيبتى بيحسد ويخيب

يامصر إحنا اللى ولادك

ساعة مانلمح أعيادك

الفرح يسكن جوانا والنفس تطيب

ولو فى يوم ألمح دمعك

أو آهة تطلع وأنا سامعك

تلاقينى دايما وياكى للحزن طبيب

يامصر حقك على راسى

ومن كل قلبى وإحساسى

باتمنى دايماً تلاقيلك فى الفرح نصيب