مديريات التعليم تفتح باب تشغيل معلمين جدد حتى نهاية يناير
الثلاثاء، 25 يناير 2011 - 16:28
وزير التربية والتعليم د.أحمد زكى بدر
كتب حاتم سالم
قالت مصادر مطلعة بوزارة التربية والتعليم إن الوزارة فتحت الباب أمام المديريات التعليمية بالمحافظات لتشغيل معلمين جدد من خريجى كليات التربية أو الحاصلين على مؤهل تربوى سواء من سبق لهم العمل فى التدريس أو من لم يسبق.
وأوضحت المصادر أن فرص تشغيل المعلمين الجدد موزعة على المديريات التعليمية، وأن آخر ميعاد للتقدم 31 يناير، غير أن المصادر أشارت إلى أن نوع التشغيل غير "معلن" حتى الآن وإن اعتبرت أنه لن يخرج عن احتمالين هما العمل بالأجر أو التعاقد المؤقت.
وقال مسئول بـ"التعليم" إن اختيار من سيشغلون فرص العمل الجديدة سيتم وفق عدة اعتبارات أولها الحصول على المؤهل التربوى وثانيها التقدير الحاصل عليه المتقدم فى الشهادة الجامعية وفى حالة تساوى التقديرات سيتم الاحتكام إلى المجموع التراكمى.
وأكد المصدر أن الوزارة تحاول من خلال فرص التشغيل الجديدة سد العجز فى المديريات خاصةً فيما يتعلق بأعداد مدرسى مواد الأنشطة، وأضاف أن ميزانية التشغيل وصلت إلى المحافظات، موضحاً أن المعلمين الجدد لن يؤثروا على من يعملون بالحصة حالياً.
للإستماع إلى راديو اليوم السابع
للإشتراك فى خدمة الرسائل القصيرة من موبينيل، أرسل رسالة فارغة إلى 95000
يمكنك الاشتراك فى خدمة الرسائل الإخبارية القصيرة مع شبكة فودافون عن طريق إرسال Y7 الى 9999
للإشتراك فى خدمة الرسائل القصيرة من اتصالات مصر، أرسل رقم 73 إلى 1666
للإشتراك فى خدمة الرسائل القصيرة من اتصالات الإمارات، أرسل y7 إلى 1110
بروتوكول نشر التعليقات من اليوم السابع
تعليقات (14)
1
هيبقوا زينا احنا بنقبض 105 جنية مبروووووووووووووووك
بواسطة: ايمان
بتاريخ: الثلاثاء، 25 يناير 2011 - 16:46
والله انا بفرح لكل الناس بس هيكونوا زينا احنا بنقبض 105 جنية بقلنا 3 سنين والى الان لم يتم اعطائنا عقود مميزة ومفيش حد من المسؤليين بيرد علينا حسبي الله ونعم الوكيل واحب اقول لكل مسؤل :
اتقي دعوة المظلوم فانه ليس بينها وبين الله حجاب
2
يلاش نصب
بواسطة: VIP
بتاريخ: الثلاثاء، 25 يناير 2011 - 16:53
انا كنت مدرس شغال بالحصة (95 قرش للحصة ) وبيخصموا ضرايب هههههههه واول واحد اتقلش لما تزلوا التعاقد . مش انا كنت اولى ولا ايه مانا شغال فعلا . والله كل الحاجة بالواسطة والفلوس . حكومه ريحتها طلعت . على فكرة والله انا طفشت من مصر رغم كرهي للغربة بس هاعمل ايه .
3
افرحوا يا شعب مصر
بواسطة: sami
بتاريخ: الثلاثاء، 25 يناير 2011 - 17:18
الى معة شهادة والى معهوش الكل هيشتغل بس فى المشمش دة موسم الفرج على متعدى الانتخابات وابقو قبلونى على قهوة نحمدة
4
رجاء
بواسطة: مصر
بتاريخ: الثلاثاء، 25 يناير 2011 - 17:35
يا حضرة الوزير المدارس من سنة 1999 لم يتم تعيين عامل نظافة فيها عندنا مدرسة كبيرة جدا ولايوجد بها غير عامل واحد المدارس اتخربت من الزبالة اللى فيها
5
يا كدابين
بواسطة: محمد
بتاريخ: الثلاثاء، 25 يناير 2011 - 17:57
اهم حاجه العقود دى هتثبت ولا ايه
6
اخيرا يا سيادة الوزير
بواسطة: ركابى اسوان
بتاريخ: الثلاثاء، 25 يناير 2011 - 18:08
انا شغال فى التربيه والتعليم ليا 12 سنه بلحصة ومستنى العقد دة لاكن ياترى مش هيكون فية واسطة وتزوير والمشكلة انو مديرية اسوان مش عارفة اى حاجة عن العقد المميز او غيرة والمحفظات الاخرى شغالة وربنا كبير وياريت يفهو كويس موظفين مدريريه اسوان
7
يالا علشان تبقوا زينا يقلوا شوية ب55ج وشويه 99ج
بواسطة: سمسمه
بتاريخ: الثلاثاء، 25 يناير 2011 - 18:11
والله حسبنا الله ونعم الوكيل
8
حسبي الله ونعم الوكيل
بواسطة: بيقولوا موا طن مصري
بتاريخ: الثلاثاء، 25 يناير 2011 - 18:12
مبروك عليك يامصري 105 جنيه ياتري هتجيب بيها ايه ولا ايه هههههههههههههههه معلش شر البلية ما يضحك انا بشتغل مدرس منذ 8 سنوات ب 105 لقد اوشك البركان ان ينفجر احنا شبعنا وعود كاذبه احنا حاصلين علي مؤهلات عليا مش محو اميه و ع فكره انا حاصل علي اداب انجليزي +دبلومه 2003 الوزاره مضطهدين خريجي كليات الاداب بس لو قالوا قبل كده علي العموم حسبي الله ونعم الوكيل هي دي ام الدنيا مصر
9
كفايه ضحك على الدقون
بواسطة: محمود المصرى
بتاريخ: الثلاثاء، 25 يناير 2011 - 18:15
يامعالى الوزير روح عين الناس اللى شغاله من سبع سنين وعايشين على وعود زائفه من ساعة ما اشتغلوا اللى بياخدوة والله ما بيكفيهم مواصلات حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل حسبى الله ونعم الوكيل
10
دى طبطبة مش اكتر
بواسطة: mido saka
بتاريخ: الثلاثاء، 25 يناير 2011 - 18:29
مش تشاؤم والله بس دى الحقيقة اشمعنى ف الوقت دة بالذات . نظام الهاء الشعب وسياسة البحث عن لقمة العيش بدل المظاهرات قال يعنى الشباب هيسيب المظاهرة ويجري يقدم ههههههه اصل ياولداه نصهم مدرسين (مع وقف التنفيذ)
11
اقتراح لسد العجز
بواسطة: أسامة كمال محمدشكشوك
بتاريخ: الثلاثاء، 25 يناير 2011 - 18:45
السيد المحترم وزير التربية والتعليم نوجة عناية سيادتكم انه يوجد العديد من الموظفين الذين يعملون في الوزارة بلا فائدة منهم نهائيا ولا يحضرون الى المدرسة نهائيا الا يوم المرتب وهم (حراس الامن )لذا نرجوا من سيادتكم اعادة النظر في شان هؤلاء الموظفين لسد العجز بهم في النواحي المختلفة (عمال - اداريين)
ولسيادتكم جزيل الشكر
12
يااااااااارب
بواسطة: والله الشعب فعلا محتاج للوظائف حسوا بالناس
بتاريخ: الثلاثاء، 25 يناير 2011 - 18:52
يارب يكون بجد المره دى
ومش تكون وعود بلا تحقيق
احنا اشتغلنا بالحصه 2009 ومن ساعتها وبيقولوا هاينزلوا العقد حتى بالحصه بس الوزير يفى بوعده لاننا احبطنا وتعبنا من كتر اللف والدوران بلا جدوى
13
ياراااااااااااااااااااااااااااااجل
بواسطة: هيثم الشاطر
بتاريخ: الثلاثاء، 25 يناير 2011 - 19:21
ودا من ايه دا ان شاء
سبحان مغير الأحوال
ايه اللي حصل في الوزارة دي
عجبـــــــــــــــــــــــــــــي
14
كله محسوب على المعلم الاصلى
بواسطة: مواطن
بتاريخ: الثلاثاء، 25 يناير 2011 - 19:29
ياسيادة الوزير بدل ماتجيب ناس من على القهوة وتشغلهم بالتدريس وفى الاخر تقولوا فيه ضرب و****** وتدهور العملية التعليمية طيب افتح دور المعلمين وكليات التربية وعين ناس زى الاول تخرج اجيال بحق
انا بقول انه تدهور التعليم مقصود .............؟ حسبى الله ونعم الوكيل
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق
آخر الأخبار
25-01-2011, 09:23 PM
مديريات التعليم تفتح باب تشغيل معلمين جدد حتى نهاية يناير
طباعة
أرسل لصديق
أضف للمفضلة
العرض الشجري
