يوميات طلبة الجامعات

[ahmed recoba]

عاملين ايه يا بشرية يا بتوع الجامعية وايه اخبار التأقلمية؟
مع ختام الاسبوع التانى اللى عدى اسرع طبعا من الاول مش دارى ليه بس الحمد لله .....
مراسلكم من القصر العينى امام مدرج أ اكبر مدرج فى الكلية ( الجميلة )
معلش انا لسه مهيس شويه بس الحمد لله امبارح مرحتش خالص ونمت اليوم كله بس اوعى حد يفتكر انها اجازة عشان طبعا الكلية ( الجميلة ) دى مفيهاش اجازات خالص
يوم الاربع اول مرة اخرج من المدرج اللى بحضر فيه والف واروح المدرجات التانية واشوف اشكال الدكاترة اللى فى كليتنا ( الجميلة ) بس مشيت فى انهى محاضرة بقى وده انجاز اسجله فى تاريخى الحافل فى التزويغ ..
كانت محاضرة Biochemistry كيميا حيوية ( لو spelling غلط سامحونى عشان لسه عبيط فى الانجلش ) والمادة دى لله فى لله مش طايقها مع ان الدكتور رشيد اللى بيدينا اكتر دكتور مشهور فيها فى الكلية ده حتى كان بيدى لدكاترة الفسيولوجى بتاعتنا ويكلمك اى حد كبير فى الكلية ( الجميلة ) يقولك اوعى تفوت محاضرة لدكتور رشيد......وتلاقى مدرجنا فى المحاضرات العادية نصه فاضى تيجى محاضرة دوك: رشيد وتلاقيه استاد الكلية الحربية ولو مفيش بنات فى المدرج تلاقى الطرح اد كده......المهم اليوم ده كنت مش فاهم العنوان اساسا والدكتور مش راضى ينزل الترجمة ويقول المعنى بابن من الكلمة هيا كانت ( colloid ) لو ياريت دكتور بسام اكيد عارفها ينزل ترجمتها ......المهم اعد يشرح وانا مش فاهم الدرس عن ايه
قولت للواد صحبى قوم عشان نمشى راح قاللى ماشى يالا ( اصله من عينتى حافل )
قولتله طيب قوم عشان هوه على الطرف والناس جنبه كتير...الواد باين كان مكسوف ....رحت قولت للكابتن اللى جنبه بعد اذنك عدينى الواد مستغرب طبعا قال الواد ده حمار ولا ايه حد يمشى فى محاضرة رشيد وقفت 10 ثوان عشان الواد يستوعب وكان شكلى احسسنى بالفخر كانى عنترة ( الناس الشطوووورة مالهش دعوة بيا خاليهم فى مذاكرتهم )
ودى كان نهاية الاسبوع عندى وان شاء الله هابدأ سكاشن الحد وهالبس البالطو اللى ع الحبل

ملحوظة : انا بتبع سياسة حب الكلية تحبك وثبتها برضه تحبك ....وربنا يعينكم