اكتب هنا اسوا موقف حصلك بعد ما بقيت مساعد

[جارةالوادى]

المشاركة الأصلية كتبت بواسطة محمد ابوصلاح

لا انا مش مع حضرتك في دي اقدر حد ممكن ينصحني هو انسانه لان البنت تعرف اكتر من اي ولد لان البنت بطبيعتها زكية جدا وكمان لان هذا الامر يدور عليها لانها اذا وافقت علي زوج وتمسكت بيه لا يقدر اي انسان ان يغير من تفكيرها

وجهة نظرى انها متفرقش طبعا متعاقد او اساسى المهم انها شغل حكومى زى ماالاب دايما بيبقى عايز لبنته زوجها عنده حد ادنى من الامان المادى مرتب ثابت يعنى ومعاش وتامين صحى وحاجات من دى وده متوفر فى التعاقد زى الاساسى بالظبط وبعدين محدش يقدر يستغنى عن متعاقد هما لاقيين اصلا دول بيجيبو ناس بالحصة عشان يكملو انصبة المدارس ومتهيألى لو بنت متعاقدة واب متعلم ومتفتح هيبقى فاهم كويس الظروف دى على فكرة انا شخصيا بيتقدم لى مدرسين تعاقد وعمرنا متكلمنا معاهم فى حاجة زى دى بتبقى امور تانية خالص فى الجهاز واسلوب الحياة والحاجات دى اللى الناس كلها بتهتم بيها وعلى فكرة بالنسبة لى بيبقى احسن من الاساسى لان سنه اصغر يعنى هنتواصل ونتفاهم احسن ومقدرين ظروف شغل بعض وطبعا متعلم اكتر غير كدة انه بيبقى عنده طموح اكتر كانه يشتغل شغل تانى يحسن دخله او يطور نفسه من خلال دراسات عليا او غيره وعندى نماذج كتير جدا لزملائى متعاقد ومتعاقدة او متعاقد وزوجته مش بتشتغل او شغل تانى وماشاء الله عليهم فى منتهى التفاهم والسعادة والدنيا واحدة بواحدة بتتعدل معاهم
وربنا يوفق الجميع ويكتب لنا ازواج وزجات صالحين وصالحات اللهم امين