رسالتى بخصوص قضية كاميليا شحاته ذاخر وجميع الفتيات المحتجزات فى الكنيسة (الجزء الاول)

[سيف الحق2]

رسالتى بخصوص قضية كاميليا شحاته ذاخر وجميع الفتيات المحتجزات فى الكنيسة (الجزء الاول)

مش هاقولكم كاميليا شحاته المسلمة دلوقتى ومش هاقولكم المسيحية احنا عايزينها تخرج فى أحدى الفضائيات وتقول يا جماعة انا بخير بعد كده نبقى نشوف موضوع انها اسلمت او مازالت نصرانية او اسلمت وبعدين اتعملها غسيل للغسيل ( على رأى الأنبا اغابيوس ) وتنصرت مرة أخرى ..
كل يوم نسمع قضية ان فلانه تنصرت وحصلت مشكلة كذا وكذا وان فلانه تزوجت من مسلم وأسلمت واهلها ***وا زوجها و...........الخ
ياريت ننسى الكلام ده كله دلوقتى لان دى حوادث فردية الكنيسة غير مسئولة عنها ومنقدرش نلقى عليهم اللوم فيها .. بس اشمعنى يا جماعة زوجات الكهنة لما بيسلموا أمن الدولة بيتدخل والازهر بيبلغ الكنيسة وبيرجعوهم ؟؟ السؤال ده لا يمت للمسلمين بصِلة لذلك مش عايز اسمع تعليق من مسلم بشأن الموضوع ده وعايز النصارى هما اللى يجاوبوا ... ليه زوجات الكهنة بالذات لما بيسلموا محدش بيشوفهم بعد كده والقصص كتير كاميليا مش اول ولا اخر قصة هنسمعها فى الموضوع ده ... ليه ؟؟
طيب تعالوا نخمن ليه .. ممكن مثلا الكهنة بيبقى ليهم اسرار مينفعش حد يعرفها وبالذات النصارى العاديين غير الكهنة والقساوسة ؟؟ وأكيد طبعا لما تبقى واحدة زوجة كاهن أكيد أسراره هتبقى معاها ؟؟ ولما هيا تُسلم كده الاسرار هتطلع بره ؟؟ ولا ايه .....
تعالوا نشوف رأى القرأن الكريم فى الموضوع ده
لو عايزين تعرفوا ايه الاسرار اللى مش عايزين حد يعرفها وبالذات من زوجات الكهنة تفضلوا " يَا أَيُّهَا الَّذِينَ آمَنُوا إِنَّ كَثِيرًا مِنَ الأَحْبَارِ وَالرُّهْبَانِ لَيَأْكُلُونَ أَمْوَالَ النَّاسِ بِالْبَاطِلِ وَيَصُدُّونَ عَنْ سَبِيلِ اللَّهِ وَالَّذِينَ يَكْنِزُونَ الذَّهَبَ وَالْفِضَّةَ وَلا يُنفِقُونَهَا فِي سَبِيلِ اللَّهِ فَبَشِّرْهُمْ بِعَذَابٍ أَلِيمٍ "
تفسروا بأيه انها سحبت الفلوس من البوسطة (35 الف جنيه ) ووضعتهم على سرير زوجها وغادرت المنزل كما قال الاخ ابو يحيى .. الاخ ابو يحيى كذاب ؟؟ ربنا يسامحك ياللى بتقول كده الراجل صادق فى كل كلمة قالها والايام كل يوم بتثبت اللى قاله ولعلك تفسر منين عرف انها سحبت فلوس من البريد وبعديها والدها اقر بانها سحبت فلوس من البريد ؟؟؟
طلع فيديو على موقع اليوم السابع ان كاميليا ظهرت وبتقول يا جماعة انا مية مية انا مأسلمتش وطالعة مفيش اى حاجة ؟؟ بغض النظر عن كل الاخطاء اللى فى شبيهتها من حواجب وشكل وأسنان وتعارض مع كلام الكنيسة وكل شئ .. بغض النظر عن كل ده هنضرب بيه عرض الحائط ... تفسر بأيه ان الكنيسة او أى مصدر كنسى كلهم رفضوا الاعتراف بالفيديو ومحدش نسب الفيديو لنفسه ؟؟ .. تفسر بأيه ان الفيديو ده لسه طالع دلوقتى .. ليه مطلعش من ساعتها ؟؟ وقالت انا ما زلت مسيحية .. تفتكروا الكلام ده يدخل دماغ اى حد فى العالم لو حتى طفل صغير ...
انا فاكر من اول يوم الاخت كاميليا اختفت فيه ان المسيحيين هما اللى عملو مظاهرات على اختفاؤها ولعل من كلماتهم ... عايزين مرات ابونا ترجع ... ليه ؟؟ لما هيا مش أسلمت او هنعتبرها مازالت نصرانية على حد كلامكم مفيش حد ليه الحق يحتجر مواطن مصرى ( بأقول مصرى مش مسلم ولا مسيحى ) غير الحكومة ويالحكومة برده ملهاش حق تحتجر مواطن غير بأمر من القضاء ... دلوقتى بقى بأى وجه حق تُحتجر ؟؟؟
اللى انا شايفه من اللى بيحصل حوالينا ان الكنيسة أصبحت دولة داخل الدولة .. صدقونى التفرقة وكل اللى بيحصل ده هييجى على دماغكوا مش على دماغنا احنا . المسلمين لو انتفضوا هتبقى انتفاضة لن تبقى على اخضر ولا يابس وبرده هتيجوا فى الاخر تقولوا وحدة وطنية .

سيبك بقى من الدلايل على صحة أسلامها لن أذكر منها شئ الان .. لكن انا باقول يا مسيحيين لازم تقفوا جنب المسلمين بعمل مظاهرة ساعتها القضية مش هتبقى بين مسلم ومسيحي القضية هتبقى مناداة للقضاء المصرى العادل وللنائب العام . سيبكوا بقى من الحكومة والازهر والكلام ده . يشهد الله كم كنت احترم الازهر الشريف وياريت صورته ترجع زى ما كانت فى نظرنا تانى .

كلامى خلص وان شاء الله انتظرونى فى الرسالة القادمة كل الدلايل على انها اسلمت وهاخلى العقلاء هما اللى يحكموا ... وبالنسبة لشخصى فأنا انسان عادى جدا ولا شيخ ولا خلافه لكن المشكلة ان مش جايلى نوم واختى مخطوفة .. ياترى ده برده شعور كل مسلم
ولو هيا مازالت مسيحية اين نخوة المسيحيين .. اختهم مخطوفة والله اعلم ما يحدث لها ومفيش حد بيتحرك .. هل بالسكوت ده انتوا كده رجالة ! بالنسبالنا والله العظيم يمين اتحاسب عليه انى هادافع عن القضية دى بقدر استطاعتى .. وشكرا

الله سبحانه وتعالى اخبرنا عنكم بكل خير وتأتوا انتم وتسبون الله ورسوله والقران الذى انزل على محمد : "لَتَجِدَنَّ أَشَدَّ النَّاسِ عَدَاوَةً لِّلَّذِينَ آمَنُواْ الْيَهُودَ وَالَّذِينَ أَشْرَكُواْ وَلَتَجِدَنَّ أَقْرَبَهُمْ مَّوَدَّةً لِّلَّذِينَ آمَنُواْ الَّذِينَ قَالُواْ إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لاَ يَسْتَكْبِرُونَ" (سورة المائدة 82).
وبالنسبة لتعليقاتكم اتمنى انها تكون فى حدود الادب لانى لن اخرج عن نطاق الادب فى حواركم حتى لو خرجتم لانى باعبر عن دينى وبانفذ ما أمرنى به الله "وَلا تُجَادِلُوا أَهْلَ الْكِتَابِ إِلاَّ بِالَّتِي هِيَ أَحْسَنُ، إِلاَّ الَّذِينَ ظَلَمُوا مِنْهُمْ، وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَهُنَا وَإِلَهُكُمْ وَاحِدٌ، وَنَحْنُ لَهُ مُسْلِمُونَ" (سورة العنكبوت 46).
واذا أردتم معرفة ما قال رسولنا الكريم محمد صلى الله عليه وسلم وما قال الله سبحانه وتعالى وما ذكر القرأن عنكم يرجى الدخول هنا حتى تعرفوا من محمد الذى تسبونه ليلا ونهارا وبالنسبة لمن يسب المسيح عيسى ابن مريم فقد كفر .. عرفتوا بقى الفرق بين ديننا ودينكم ؟؟

عندى مشكلة مقدرش احط روابط قبل 25 مشاركة ياريت احد المشرفين يضيفوا http فى اول كل عنوان من التالى

st-takla.org/FAQ-Questions-VS-Answers/03-Questions-Related-to-Theology-and-Dogma__Al-Lahoot-Wal-3akeeda/046-The-Holy-Quran-and-Christianity.html

وبالنسبة لكل المعلومات عن القضية ياريت كل واحد يعرفها قبل ما يكتب تعليق ياريت كل واحد يعرف هوا بيتكلم عن ايه لكى نحافظ على الحوار فى حدود الادب من الجميع .

camlya.com/