على فكرة عيب اللى بيحصل ده

[BaNZeR]

من حوالي شهرين او اقل بقليل حطيت الموضوع الآتي

خلي بالك !! انت بتدوس على حرام !!

مش حتكلم على رواج الموضوع ولا كمية الردود اللى كانت متفقة معاه
ولكن تم إخباري بإنه الموضوع فيه شبهة وسيتم اغلاقه لحين التأكد من أحد العلماء لمحتواه
مع إني مش عارف فين المشكلة بس متكلمتش مادام ده اجراء روتيني

بعد تأخر 5 أيام ولما الموضوع لقيته نام
حطيت الموضوع التاني ده
خلي بالك !! انت بتدوس على حرام (2)

بوضح فيه وجهة نظري اللى احتمال تكون اتفهمت غلط
اتقفل بردو وده الطبيعي وده كان الرد

الموضوع مغلق للمرة التانية
وللتوضيح للمرة الالف انا قولت الموضوع مغلق لان فية بعض الشبهات
وليس مغلق لاى سبب اخر
وقولت اننا هنسأل حد يحكم فية ان كان يصح يستمر ولا لا
وبالفعل سألنا وهنسأل كمان واحد عشان نبقى ضامنين ان مواضيعنا كلها حلال
وان كان الموضوع فية بعض الكلمات تحتاج لتعديل ونترك الفكرة نفسها دا هيحصل
يعنى لو الموضوع نفسة فكرتة حلال ومفيش عليها خلاف اوعدك انة هيستمر مع تغير بعض الكلام الى علية شبهه وخلاف
اما لو الخلاف نفسة فى الفكرة فأكيد مش هيستمر
فى رعاية الله

المرة التانية ... او المرة الألف يعني عدى عليها حتى الآن فوق شهر ونصف
وأظن انه بعد هذه المدة لا يوجد أعذار أخرى تتضمن ضيق الوقت !!

ياريتها جت على كدا

لأ يتنقل الموضوع الأساسي للركن الديني لما يتضمنه الموضوع من فتاوي خاطئة للشيخ الجليل بانزر


على الرغم من ذكري في آخر الموضوع

(لم احرم ولم احلل شيئاً حتى لا يؤخذ بعض كلامي على انه فرضاً)

وأصبح التعامل مع نقل موضوعي يتم بالمقارنة بالموضوع الذي وضع للرد علي

دي مشاركة كان فيها تفصيل زيادة

أشكر الإدارة لإغلاق موضوعي لما يزيد عن شهر ونصف متجاهلينه
وبصراحة مش مستغرب لما كانت مواضيعي بتتقفل وانا مشرف اصلاً
أشكر الإدارة على هذا النوع من التقدير لمشرف سابق مش عارف موضوعه يتحط فين !

أشكر الإدارة لهذه السرعة في الاستجابة دائماً لكل مطالبي
وأعتذر لسيادتكم بإضافة تلك المواضيع المزعجة

وأطالبكم - إن كان مازال لدي هذا الحق - بالتصرف بشكل رسمي وإعادة هذا الموضوع للمقدمة وارجاعه لقسمه الاساسي بعد ان غمره التراب

وأرجو ألا يكون لسيادتكم قلقاً فسيكون الموضوع الأخير لي هنا

وآمل فقط ! ألا يلحق هذا الموضوع بأخويه كما اعتدت ان يحدث !