عفوا ,فأنا مدمنة ....!!

[T!to]

طالما الطلب على العلاج كتير وده دليل على كثرة المدمنين هنشرح ونشرح يالا نبدا


شوفوا بقى هاتوا ورقة وقلم الاول واكتبى اللى هاقول عليه .

تروحى عند العطار تجيبى 10 حب عين عفريت و3 حتت سكر الواحدة مش اكتر من 1 جرام
وربع كيلو ماء صبار مش ماء ورد و1\8 عجوة بلح امهات من الاحمر ولو لقيتى من الاخضر مفيش مشاكل . . وتقوليلو عايزة ب2جنيه خلطة عم رجب .
بس خلاص كده وانتى جية تعدى على بتاع الخضار تجيبى منه عود سلق وعودشبت وقوطاية وخيارة وبطاطايية وبططساية . بس خلاص .

تروحى ماتغسليش الخضار عايزينى بعفنته كده . تقطعى الخضار كله وتحطيه فى خلاط وتحطى عليه البلح و3 جرامات سكر والعين عفريت وترزوديه بماء الصبار وتضربيه لمدة 3 ساعات متواصلة .
تحسى انه بقى عامل زى الطحينة المغشوشة . تطلعيه تقطعي عليه الشبت والسلق تقطيع جوليان اسف تقطيع صغير يعنى وتحطى خلطة عم رجب وتقلبى .وتدخليه التلاجة .
3 كوبايات صباحا ومساءا

كله هيبقى زى الفل
انا ليا واحد صاحبى اقولتله على الوصفة ده بقالى اسبوع ما شفتهوش مش عارف ليه ؟؟؟؟

المهم مش هتهتمى بعد كده ولابالموقع ولا بالنت كله ولا باى حاجة اظن انك عرفتى السبب


ولنا لقاء مع الشيف(موسولينى ) اوعى تغير المحطة .ساعدنى فى هذه الوصفة الدكتور \سيبر المهيبر
استاذ جامعة مايكروسوفت تخصص امراض كمبيوتر ونت .



























اوعى حد يعمل كده الا اللى عايز ينتحر والعياذ بالله .

بالنسبة للحل من وجهة نظرى .....

1- شخصية قوية .
2- تنظيم للوقت .



نبتدى بتنظيم الوقت يعنى نجعل المذاكرة 3او 4 ساعات فى اليوم او اكثر او اقل على حسب كل واحد
انا مثلا 1\2 ساعة وبجيب من الاخر .

هنشرح اكتر يعنى الواحد لو وراه معهد او كلية او مدرسة هتنزل البيت الساعة 7 ص ترجع 2ظ تنام تريح نفسك شوية لحد الساعة 5 مثلا تقعد على النت من 5 الى 7 ساعتين حلو ين قوى تاكل وتشرب من 7 الى 8 ساعة بحالها ده لو بتاكل خروف هتخلصه قبل كده . المهم تذاكر من 8 الى 11 او 11\30 . تنام تيجى بكره نفس الكلام هتلاقى نفسك انك مش خانق نفسك بالمذاكرة طول الوقت وبتروح عن نفسك شوية بس الاهم من ده انك تصلى طبعا وتحاول تفضى لو ربع ساعة او نصف ساعة تقراه قران خد المصحف معاك واقرا القران فى الفسحة او العربية اللى انته بتروح بيها او فى اى وقت فراغ فى المدرسة . ممكن من الساعة 11\30 تقرا قران وتنام . واللى بيروح باليل يقلب المواعيد وهكذا .


هنا بقى تيجى الشخصية القوية اللى يستحمل واللى هيضعف ويرجع .

انا اعرف شباب زى بتصلى وبتشتغل وبتنجح وبتتفوق لان منظمين جدا وانا بحاول اقلدهم وبحاول اواظب بين الشغل والدراسة وعبادة ربنا وفيه نفس الوقت بفرح والعب مع اصحابى وبقعد على النت .

لازم التنظيم ولاصعب منه المواظبة عليه .
وربنا يشفيكوا .