رمضان سالى صيامك

<span style="font-family:Arial Black"><div align="center">بسم الله الرحمن الرحيم








بعد جهود مضنية وبحث داوب داخل مبنى التلفزيون وبعد ان تحدثة مع كبار المسئولين داخل ذلك الجهاز العريق
قبلت عم محمد الفراش (غمزته ب5 جندى ) وأدانى خريطة برامج السنة فى شهر رمضان اسمع ياسيدى
بالصلاة على النبي كده ومن غير رغى كنير البرامج كالاتى
اول حاجة بعد ما تصحه من يومك شاب نشيط كده او طفل او سيدة اقولك تعمل ايه واول ما تفتح شاشة التليفزيون نقولك هتلقى ايه
اول حاجة هتلاقى كام كارتون كده ملهمش لزمة دول بتوع اطفالنا والاطفال احباب الله واحنا ناس كبيرة خليك فى المفيد
مفيهاش حاجة لما نضيع 3 او 4 ساعات قدام كرتون عبيط مش مهم انتوا نسيتوا ده شهر رمضان ورمضان يحب اللمه
نيجى بعد الظهر بئا ادخل على البرامج والمسلسلات المهم
الساعة 12 تبداء الست المحترمة الهام شاهين ويبدا معاها عداد الحسنات يشتغل
مسلسل 45 دقيقة كله حكم ومواعظ وعايزك تركز اوى مع الست الهام شاهين لان من شروط اتمام الصوم انك لزم تركز وانتا بتتفرج على الست الهام شاهين
مش عارف الست دى مقررة علينا كل سنة ولا ايه الحكاية خلصت ياسيدى ال45 دقيقة عبادة ادخل على اللى بعده
اقلب القناة هتلاقى الست يسرا بتقولك كل سنة وانتا طيب ورمضان يحب اللمه والغريبة انه القصة هتليقها نفس قصة الست الهام
ويدخل العدل جروب يقولك لا دى قصة مختلفة والسيناريو مختلف
وطبعا القضية بقالها 50 سنة فى المحاكم رغم ان كل فنانة بتقولك انها عندها 21 سنة بس مش قضياتنا
هتقلب هتلقى الست فيفى عبده لبسه الخمار وعلى وشها علامات الورع والتقوى والصلاح
وبالليل تلقيها مرميه فى خيم رمضان بتأدى رسالتها السامية وسلى سحورك طبعا نهيك عن الحاجات الخفيفة برامج المسابقات
اتصل ب01000000000 تكسب بطيخة والكلام والبنات اللى تودى الجنة حدف طلعين يتميصه فى الاعلانات وعداد الحسنات بيعد
واحد ناصح يقولى طيب فين المسلسلات الدينية ياعم اقوله لا دى لهوات السهر واحنا ناس عندنا مدارس بدرى
طبعا هتيجى اخر رمضان وتقول لنفسك ان الحمد لله صومت واديت فرض ربنا وتقول يااه رمضان عده السنة دى بسرعة
طبعا يااخويا مع كل اللى انا قولته ده ولزم العمر ك له يعدى بسرعة مش رمضان بس
ربنا يعيد علينا وعليكم الايام بخير :D
</div></span>