الذكرى السنوية الأولى

[أميرة قلبى]

كلها بكرة بس وبعده ... وتمر الذكرى التاريخية الأولى لامتحان الكادر الخاص بالمعلم المساعد . يوم محفور فى تاريخ كل معلم مساعد . يوم لن نتمكن من نسيانه بكل تفاصيله

يوم السبت الموافق 20/11/2010 تمر أول ذكرى لهذا الامتحان
يوم كان صعب بجد مش من الامتحان لا من كم المعلومات اللى احنا ذاكرناها ومن رعب امتحان اللغة الانجليزية اللى أنا جاوبت فيه أفضل من التخصص والتربوى 100 مرة
ياااااااااااااااه كان يوم مالوش وصف بجد ........

ومن اليوم ده ولغاية دلوقت منتظرين أمر ربنا وراضين بقضاء الله وقدره
اللهم لا اعتراض بجد الحمد لله على كل شىء بس زهقنا .
طبيعتنا البشرية كده بنمل منقدرش نثبت على حال واحد لفترة طويلة ......
بس الحق يتقال الوزارة عاملة معانا أحسن واجب بقالهم أكتر من 6 شهور يقولوا حتتعينوا مع إنى فقدت الأمل فى حاجة اسمها تعيين بس مش مشكلة طول العمر يبلغ الأمل
والحمد لله من شهر كده عملوا لكل واحد فينا ايميل الحمد لله نعمة وفضل من ربنا إنا حننهب ... ومازلت أتحلى بالصبر وبحاول أصبر الناس اللى معايا

بس قرب صبرى ينفد شكله عاوز شحن من تانى .....
المهم الحمد لله على كل نعمه وبرضه إحنا أحسن من غيرنا كتييييييييييييييييير جدا

ياريت بقى كل اللى يقرأ كلامى يدعولنا بالصبر والصبر والصبر
ويهنينا بمناسبة مرور أول عام على اليوم التاريخى ده