رحلة في محل ملابس للبنات ..!!

[**تسابيح**]

السلام عليكم ورحمة الله وبركاته
إمبارح واحدة قريبتي قالت لي اننا نخرج
انا وهي والقرايب والحبايب نشتري هدوم شتوي
وكمان للعيد بئا
المهم النهاردة خارجنا في أمان الله وطبعا هي اصغر مني بسنتيين
دخلنا أول محل حاجات
ياخراشي ع المسخرة !!وقلة القيمة
اصلا مش لبس بناتي دا لبس أطفالي ...
كل لما ندخل محل نلاقي نفس اللبس المسخرة دا
بجد قمة في التخلف والانحلال ...
هدوم اصلا هي تتكسف تقعد بيها في البيت...
فهي قالت :اخوية الكبير جبنا له تي شيرت وبنطلون
ومش تعبنا التعب دا
ما تيجي اجيب هدوم اولادي واريح دماغي
اكتشفنا انها مش فكرة لذيذ
واحنا بنتفرج طبعا
لان الحاجات دي اكيد للبيع ولكن للأطفال
او الناس اللي مش بتكسف ...
والله واحدة اكبر مني ومنها لابسة بضي بس شتوي
حقير ضيق جداا
بصراحة انا كنت محرجة لها ...
المشكلة مش في حد
المشكلة ان نوع الملابس دي هي اللي الناس بتلبسها
والعملية عندهم عادي جداا ولا فيه أدني مشكلة !!
المهم انها شافت بردو تشيرت
فاللي معانا بصراحة كانوا مقتنعيين
ان اللبس دا حلو ودا اللي البنات بتلبسه
واتخن منها ولبسيين زيه وعادي بئا !!
وانا اللي معترضة ...
فواحدة قالت لي: بصراحة انت معقدة
تصدقوا اني اكتشفت اني معقدة
ع العموم احنا في عصر العجب بجد
الحاجات المحترمة دا انقرضت
ورجعنا بخفي حنيين
ومش اشترينا هدوم أصلا...
وقالت لي:تصدقي انا نفسي والله اتنقب واريح دماغي...
والبنت اتعقدت
وانا كنت هيجيلي شلل أطفال ع كبر
بس شربنا في النهاية عصير قصب
احنا البنات لينا الجنة الصراحة
طبعا عمر الشباب ما يعاني المعاناة دي
بصراحة فعلا يعني لبس اسغفر الله العظيم
مش يتلبس!!
والمصيبة الناس بتشجعوا انها بتشتريه!!
ضيق وحقير وقصير !!
فيه ايه اقوله اكثر من كداا
وازاي واحدة مسلمة تلبس اللبس داا...!!
وازاي راجل يسمح لبنت ولا لزوجته انها تمشي كداا...
وازاي الناس مش بتتكلم ع المصيبة الكبيرة دي..
بجد اوحش لحظة في حياتي
يوم لما اخرج اشتري هدوم او اروح مع حد
ببقي عايزة اعيط...
مش بنلاقي حاجة ...كله هدوم مسخرة !!
كلمة مسخرة أقل كلمة اعبر بيها عن اللبس دا...
وكنت فاكرة ان مصر فيها لبس محتشم شوية
لقيت اللي عندنا كثر احتشاما مقارنة باللبس ف مصر