|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]()
عسل إسود هو إسم مدونتى
هى عبارة عن قصة من تاليفى أعبر من خلال أحداثها عن بعض مشاكل الشباب في أطار أسري يغلب عليه طابع الفكاهة والكوميديا وهذه صحة من المدونة التى تروى علي لسان شاب أسمه إيهاب أتمنى أن تنال رضاكم عـــيـــلــة ســعــــبــدة عيلة سعيدة أهلا بيكم في مدونتى أعرفكم علينا دى عيلتى اللذيذة عيلتى مكونة من 5 أفراد بالاضافة لامى وأبويا أنا إيهاب مهندس كمبيوتر عمرى 28 سنه وأخويا سامح متخرج من كلية تجارة وشغال في خط أنتاج في مصنع عبايات بس مخنوق من الدنيا ومافيها ودى سالي سنه تانية ثانوى بنت فاشلة ومطرقعة ومغلبه الكل معاها محمود سنة تالتة أبتدائي دة بقي مهندس المستقبل( طالعلي) ده بقي مافيش لعبة تقعد بعينها وعافيتها فأيده أكتر من ربع ساعة وبعدها تكون مفكوكة مية حته قال أيه بيصلحها وطبعآ بعدها بتترمى مروة الدلوعة بتاعة البيت 7 سنين فأولي أبتدائي بس دى بقي اللي يتقال أينما وجدت مروة وجدت المصايب وبابا الاستاذ عبد الحميد أو مستر عبحميد زى ما بتندهله ماما مدرس أنجليزى ومعيشنا أنجلش لايف أوول ز تايم ماما مدرسة تدبير منزلي فنفس مدرسة بابا بس طبخها مش أد كده النهاردة أول يوم مدرسة صحيت علي صوت دوشة فالبيت خير يارب بصيت فالساعة لاقيتها الساعة 6 الصبح محمود فتح الباب وجه يجرى ركب عالسرير وبدأ يتنطط هوبا ياهوبا قوم زررلي القميص يابنى روح لماما تزررهولك ماما بتحضر فطار طب روح لسالي سالي بتسرح شعر مروة استغفر الله العظيم يارب بطل تنطيط أتهد بقي طب يلا بقي زررهولي طيب بس بقي تعالي وأنا بزررله القميص بكل براءة قالي عارف ياهوبا بابا أدى سالي فلوس كتير وهى خبتها فالشنطة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ أيه ده أنت بتتكلم بجد أه وقالها خبيها من أخواتك وقام الملاك البرئ وراح يكمل لبسه وسابنى أنا اضرب أخماس فأسداس هو بابا أداها فلوس عشان أيه يمكن هتشترى حاجة أبقي أسألها بعدين انا مقتول من النوم يدوب بستعين بالله عالكسل واخدت المخدة فحضنى ومسكت مجداف الأحلام وبدأت تجديف طق طق طق مييييييييييييييين أنا بابا يا أيهاب أيوة يابابا أتفضل صحيت علي غلبي وفتحت الباب لاقيت بابا راح اوضته روحتله صباح الخير يابابا صباح الخير يا أيهاب نعم يابابا في حاجة أه عايزك تاخد مروة توديها مدرستها النهارده أول يوم طب ماتوديها سالي يابابا أنا نايم الفجر ونايم الفجر ليه بقي يابابا كان معايا جهازين بخلصهم معلهش سالي مشتركة فباص هيوديها المدرسة ويرجعها(أممممم يبقي ده سبب أن بابا أداها فلوس) حاضر يابابا صوت ماما من برا يلا يا آل مستر عبحميد الفطار إذ أ ريدى ( مش بقولكم أنجلش لايف) الساعة 6 وربع صباح الخير ياماما كل سنه وانتى طيبة ياأبلة النهارده أول يوم مدرسة بقي وهتشوفي نفسك علينا بقي طبعآ ياواد ده أنا من غيري كنتو تلوصو و نص ستات مصر أطلقت (طبعآ بنتكلم وانا بغسل وشى عالحوض اللي قدام الحمام وهى جاية ورايحة من المطبخ للسفرة) أه ماهو أنتى بقي اللي بتعمرى بيوتهم أشمعنا يعنى مش حضرتك يا أبلة اللي بتعلميهم يطبخو طيب أخلص يلا تعالي افطر لا انا هلبس عشان اوصل السنيوريتا مروة مدرستها .................................... خلصت لبس ويدوب بزبط نفسي ودخلت الست مروة أمممممم أيه ده كله أومال لو فرحك كنت عملت أيه آه من لسانك يابت أهدى شوية طيب يلا أنا كده هتأخر عن المدرسة شكلك قمر فاللبس ده بقيتى شبه تينكر بيل ههههههههههههه وانت شبه بياع الفول اللي فالشارع اللي ورانا طيب يالمضة يلا بينا ونزلنا روحنا المدرسة .................... فالشارع بقي عيال وبنات وشباب من كل الاعمار وجميع المقاسات وأنى ألاقي تاكسي فاضي ولا راضي يوقف أبدآ علي سبعة لاقيت واحد أبن حلال التاكسي بتاعة عامل حادثة 7 مرات قبل كده وقف وقالي أى خدمة أهندزة( يعنى ياهندسة بلغة الشوفيرات) يلا أركبي ياميرو بصتلي مروة بصة زى ما أكون جوز أمها وقالتلي نعم أنا مش هركب فده ده يوسخلي هدومى أنا أصلا مخنوق منها روحت حادفها جوة التاكسي وقولتلها أخلصي يختى كمان هتتشرطى وأحنا يعنى لاقينا تاكسي نضيف وقولنا لا بصلي السواق وقال بتقول حاجة أهندزة وحسيته رح ياكلنا جوز أقلام قولتله لا مافيش يا أسطى اتفضل أطلع علي فين العزم علي المدرسة الأبتدائي اللي جنب النادى نطت مروة ودينى النادى ياهوبا اخلصي يابت أتهدى والله أرميكى برة التاكسي طيب والله لاتندم ياهوبا وأبقي خليك فاكرها سكت طبعا أحسن مالموضوع يكبر 10 دقايق وكنا عند المدرسة يدوب بنزل السنيوريتا مروة وروحت متنح ومروة تقولي خلاص ياهوبا يلا روح أنت بقي هوبا....ياهوبا....أنت مت وانت واقف ياهوبا أ،ا طبعا مش معاها خااااااالص بس زى مايكون سامع صوت من بعيد بيتكلم زى مايكون بحلم حتتة مزة ياخوانا اللهم صلي عالنبي جمال ايه وحلاوة أية وشعر أيه يالهوىىىىىىىىىىىى نازله من تاكسي وبتحاسبه وشويه بصتلنا لاقتنى متنحلها ضحكت وراحت ناحية المدرسة أنا بقي زى البرق ميرو حبيبة قلبي أنتى أخدتى مصروف النهارده لا بابا مادنيش وقالي عمرى مش هديكى مصروف يلا ادينى انت ياهوبا يلعن أبو القرش اللي يذدل صاحبه خدى ياحبيبة هوبا جنيه بحاله نعم جنيه ليه بقي بشحت منك أومال عاوزة كام 5 جنية نعم يختى أنتى فاكرانى قاعد علي بنك خلاص اركب التاكسي وروح وانا هدخل المدرسة أستنى بس ياميرو هدى خلقك ياعم أنا أتأخرت والجرس هيضرب طيب خدى أهى( طلعت الخمسة جنيه وأديتهالها ماهو أذا كانلك عند مروة حاجه) يلا بقي باى ياهوبا استنى بس أنا هاجى أخدك فمعاد الخروج ماشي طيب ماشي سلام غورى جاتك.......ماتيلا ياأستاذ بقي بلاش عطله أيه ده ده أنا نسيت بتاع التاكسي ركبت ورجعت البيت فتحت باب الشقة سمعت فيروز بتغنى يازهرة المدائن الله عليكى يافيروز دخلت ناحية الصوت لاقيت سامح الخنقة فاتح قناة الأخبار عالصبح وجثث فلسطينيين علي مناورات علي قذائف علي مش عارف أيه وبيتابع يافتاح ياعليم يارزاق ياكريم بصلي من تحت لفوق وقالي مالك ياد داخل كده زى ماتكون شفت عفريت يابنى الواحد يصحى علي صوت فيروز ماشي أغنية أنا لحبيبي وحبيبي ألي عشرة علي عشرة يشوفلها مسرحية ميس الريم ولا فيلم بياع الخواتم يبقي كده أشطة ونهارو أبيض لكن تسمعلها زهرة المدائن مع الهم والكئابة دى كلها ده يبقي أفترى لكن هقول أيه علي رأى ستك عيشة تغور الجنينة اللى حارسها القرد وألاقي سامح ده مسك فردة الشبشب وبيجرى ورايا أنا دخلت الاوضة وهو بيغسل وشه عالحوض عشان يروح الشغل سامح: مش أشوف هم غيري عشان يهون عليا الغلب اللي أنا شايفه فالبيت ده أيه ده أنا اول مرة أسمع سامح بيتكلم كده غلب أيه بقي ياسي سامح ياعم تعبت بقي نفسي أرتاح طيب ماترتاح بس ماتفكرش في كده كتير أحسن ربنا يستجيب ويريح البيت كله منك سامح داخل الاوضة يمسح فوشه تفتكر يا إيهاب الدول المحتلة زى فلسطين ناسها عايشين أزاى مش عارف والله ياسي سامح تحب أروح أشوفلك الجو هناك وأرجع أقولك تصدق ياد رغم أنك أكبر منى بس ماعندكش أى أحساس بالمسئوليه معنديش أحساس بالمسئوليه ازاى وأنا موصل ألست مروة المدرسة ومديها مصروفها كمان أدلع ياعم أدلع مين قدك أنا طبعآ عشان أفرسه زيادة قعد أقوله من حق الكبير يدلع أدلع ياهوبا أدلع أه صحيح ياسامح أما شفتلك حتة دين مزة عند مدرسة البت ميرو لكن أيه طلقة يامعلم تصدق ياد تعيش وتموت هايف قال مزة قال يلا أنا نازل عاوز حاجة أنا بقي رفعت صوتى عشان لازم جرعة النفخ بتاعة الصبح دى أه والنبي يا أخويا هاتلنا معاك 2 كيلو يوستفدى عشان العيال وبامبرز وشامبو أطفال للواد تتح معاك راح ضاربنى بالفوطة ونزل يجرى وأنا بقي بصيت للسرير وقلتله ياغيب عن عيونى أما آن الاوان وروحت مرمى عليه والمخدة فحضنى ونمت لعل وعسي أحلم بالمزة
__________________
مدونتى عسل إسودhttp://3sleswd.blogspot.com/ مدونتى حياتىhttp://yomeyaty.blogspot.com مطاريد إف إمhttp://mataredfm.blogspot.com/ |
العلامات المرجعية |
|
|