مكتبة المدرسة

[وردة امل]

السلام عليكم ورحمة الله وبركاته

ازيكم يا احلى اعضاء ومشرفين فى المنتدى
يارب تكونوا بخير وصحة وسلامة

وحشتونى اوى يا جماعة انا من فترة مجتش وده طبعا لانى مش فاضية
دلوقتى بقينا نروح المدرسة بالاكراه
ومذاكرة كتيييييييييييير وده لانى فى تالتة ثانوى السنة دى
معلش غلست عليكم
خلينا فى موضوعنا
طبعا انا بما انى بروح المدرسة
دخلت المكتبة اللى فى المدرسة كالعادة طبعا
لانى بحب اقرا وزود معلوماتى
المهم
انا اول ما دخلت المكتبة ملقتش ولا طالبة فى المكتبة
قلت عادى ده اول يوم بس
وتانى يوم قلت عادى
وكل يوم اقول عادى بردو
واستنيت للاسبوع اللى بعده
ولا قيت نفس الحكاية ملقتش حد فى المكتبة بيقرا
اما الاسبوع ده لاقيت فى المكتبة
اول يوم لاقيت
طلبة بيقروا بس للاسف عدد الطلبة كانوا اربعة بس
وجه ساعتها سؤال فى دماغى ليه الطلبة بطلت
تيجى المكتبة تقرا؟؟؟؟؟؟؟؟
وملقتش الجواب كالعادة
مع ان المكتبة مليانة كتب علمية واجتماعية وفى كل المجالات
وبردو محدش بيقرا
واول ما نزلت الملعب والجنينة فى المدرسة
لاقيتها مليانة طلبة كتيييييييييير
وكل شلة مع نفسها
تفضل تاكل او تجيب فى سيرة اى حد
وخاصة المدرسين
يعنى مفيش حاجة مفيدة بيعملوها
وقلت ليه هما مفكروش يطلعوا المكتبة
يستفادوا ؟؟؟؟
وساعتها افتكرت
ياااااااااااااااااااااااااااااااه يا زمن
زمان كان عباس العقاد(طبعا كلنا عارفينه)كان بيحوش مصروف المدرسة
ويجمعه اخر الاسبوع ويشترى بيه كتاب
عشان يقراه
واحنا دلوقتى عندنا كتب ملهاش عدد فى المكتبة ومحدش بيقرا

ليه الطلبة بطلت تقرا؟؟؟؟؟؟؟؟؟؟؟