خيبة الامل

[قلم جريء]

خيبة الامل

خيبة الأمل ركبة جمل *** وسايقة دايما فى الهبل
الجهل عار والذل نار *** والهم بيـهد الجـــــبل
دق الطبول هز الديول *** فكر صاحبها انه بطل
وقت النزال طلع خيال *** اصحى سا نايم ف العسل



كان من زمان عصر الحصان *** تلمع سيوف ف المعمعه
مفيش جبان ساعة الادان *** تلــقى الالوف متجمعه
الله اكــــــــبر زلزلـــــت *** اكــــبر حصـــون متمنعه
صبحت بتـــاكل بعضها *** تضرب لنا أســـــوء مثل



شوف العدو قاد اللهب *** بالغيره وبنار الحسد
شاف الرجال زى الحطب *** تعلب قدر يغلب اسد
قــال للتعالب اركبــى *** غيره كتير من غير عدد
فرق ما بينهم كلــــهم *** واللى بيحلم بيه حصل


امتى يعود عهد الجدود *** من ماضى كان تاج الزمن
امتى تزول بيننا الحدود *** ف الفرح وف عز المحن
عايزين نكون مهما يكون *** واحــــــد بيجمعنا وطـن
فجر الامـــــل شئ محتمل *** موش بالكــلام لأ بالعمل


ـــــــــــــــــــــــــــ
ودائما .. تكون خيبة الامل ركبة جمل..