كلية التربية عين شمس (شمس الشموس)

[Mr.Ahmed4]

و الناس هنا شكلها هتتخانق على مين افضل جامعة

بس و الله و بدون تحيز عين شمس افضل بكتير
اول ما دخلت تربية عين شمس و كان ليا زملاء من حلوان كنا بنقارن المواد و الدراسة بس مش بالعدد يا جماعة
المهم اللي استنتجناه ان هيئة التدريس في عين شمس و بالذات في قسمي ( الكيمياء ) و في كل الاقسام العلمية افضل بكتير جدا من هيئة التدريس في حلوان من ناحية الدرجات العلمية و الخبرات لدرجة ان عندنا دكتور كان سافر روسيا و امتحن على ايد عالم كبير من واضعي قوانين الغازات و الديناميكا الحرارية و دا حاجة بيسطة من اللي مر بيه الدكتور دا

ثانيا من ناحية المنهجية فهنلاقي في تشابه شوية الا ان في عين شمس الامتحانات بتبقى نفخ و ساعة ما كنت بدرس دراسة تالتة و رابعة في قسمي بالانجليزي مافيش عربي لا امتحانات و لا غيره كله انجليزي و دي ساعتها ما لاقيتهاش في حلوان

بصراحة و الله الحاجة اللي لاقيت ان في حلوان ميزة فيها هي البنية التحتية فقط يعني المباني نضيفة و جميلة و جديدة لكن في تربية عين شمس فيه مدرجات من ايام ممكن تقول كدة سنة 1954 مافيش تجديد فيها

اخيرا انا دلوقتي مدرس علوم اعدادي و كيميا ثانوي
كنت في قسم كيميا جامعة عين شمس و دماغي ساحت منها