مسافر عبر الزمان .. (( الحلقة الاولى ))

[usernamo]

اعزائنا المستمعين،، لا مستمعين ايه بس ، قصدى احبائى الاعضاء والعضوات ، مساء الانوار ، احب اقول لكم ان القصة دى غير باقى القصص ، هنستمتع ونستفيد ، وكمان نطلع بفكرة فاتمنى انها تعجبكم :

اولا التعريف بالشخصيات:-
الشخصيات مش كتيرة ولا حاجة هما اتنين بس>>
1- Mohammed

انسان فريد من نوعه ، محب للعلوم بشتى انواعها ، تختلف نظرته للأمور عن نظرة الناس ليها ، دا لو كان بينظر للأمور اللى بينظر الناس ليها اساسا ^^ :D
17 عام
ثالثة ثانوى صنا.. قصدى عام :D

2- Usernamo

مع Mohammed فى المدرسة ، لكن اصغر منو بسنة ، صديقه الصدوق ومع بعض دايما ، بايع القضية لكن بيساعد صاحبه فى حاجات كتير وقت الجد ، مرح الى حد ما
16 عام
ثالثة ثانوى عام

الفصل الاول :- البداية:-

فى المدرسة.....
" ويزووووووووو يا ويزووووووووووووووووووووووو ولااااااا"

Mohammed: ايه يبنى فى سوق احنا ، ايه الاخبار

Usernamo: تمام يا عم ، عايشين اهو ، حفلات كل يومين وزيطة ، مشفتش ياض اخر حلفة ، يوووووووه ياما عاللى هناك

Mohammed: كانت فين دى؟

usernamo: فى فندق Movenpich اللى فى الرماية ، بس ايه ياض ، مشفتش البنات هناك ، اه ياما ، كلهم كده ان شاء الله جهنم وبئس المصير ، شعر اصفر وعيون زرقا واييييييييييييييه

mohammed : اوعدنا يارب :D

usernamo: يوعدك ايه يبنى ، انتا خليك ماشى ورا دماغك ، وابوك هيجبلك واحدة من بلدكم تربيك وتعلم عليك

Moahammed : ومالها بلدنا يا عمررررررررررررررررررررررررررررررررررررر

Usernamo: شفت جبنا سيرة البلد الشرشحة ظهرت :D ، ايوا كده اظهر وبان :D

Moahmmed: اه يا صفيق :D ، المهم ايه اخر اخبارك

Usernamo: اهو عايشين فى الدنيا نضرب وننضرب ، وانتا ايه اخر قراءاتك؟؟

Mohammed: والله يبنى انا اليومين دول شاغلنى اوى موضوع النسبية والزمن ، عشان كده جبت كتابين واحد شرح نظرية نيوتن الزمن مطلق والتانية بتاعت اينشتاين اللى اثبت ان الزمن نسبى ، واهو هشوف هنوصل لايه فى الاخر.

Usernamo: نيوتن واينشتاين ، حسبى الله ونعم الوكيل ، سلام ياعم ناقصة احياء هى

Mohammed: طب استنى بس

Usernamo: اوعى ياعم مش طالباك خااااااااالص ، اشوفك بالليل يا حبى

MOhammed: تحب الليل انتا :D ، اوك سلام ياموزتى ^^


==================================================
فى بيت Mohammed ....
"ترررن تررررررررن ترررررررن"
Mohammed: انا هرد يا ماما ، الو

Usernamo: ايه يا واد ، بتعمل ايه؟؟

Mohammed: انا قاعد بقرأ فى الكتابين اللى قلتلك عليهم ، خلصت واحد والتانى فاضل فيه بتاع 120 صفحة كده ، ماتيجى شوية

Usernamo: اوك انا نازل اهو متروحش هنا ولا هنا

MOhammed: حاضر يا عمو الظابط ههههههههههه ، سلام

Usernamo: سلاموزة
==========================================
وبعد ما وصل Usernamo ...

Usernamo: الله الله الله ، ايه يبنى كل الورق دا ، لالالا ، انتا مش مرتب ، انتا مرتبة :D:D

MOhammed: ياض بطل لماضة بقا ، دى تصاميم لالة الزمن التخيلية اللى تخيلها اينشتاين ونيوتن

Usernamo: بقيت تشتم كتير انتا على فكرة ها

MOhammed: ياض وربنا هحدفك بالشبشب ياض (وراح حادفنى بالـ.. قصدى حدف Usernamo بالشبشب)

Usernamo: عارف دى لو كانت جت فييا ، كنت هقوم اقطعلك الورق دا كله

Mohammed: لا ياعم خلاص :D انا اسف

Usernamo: ناس تخاف متختشيش

Mohammed: بس تعرف ياض ، انا اكتشفت حاجة غريبة

Usernamo: وانا اكتشفت حاجة غريبة انا كمان

Moahammed: ايه هى دى؟؟؟

Usernamo: ريحة شراباتك اقوى من القنبلة الهيدروجينية ارحمنى هموت فطيس!!!!

Mohammed: يلهوى ، شراباتى دى بالنسبالك فورريه يا جزمة ، المهم ، اللى انا اكتشفته ان مش لازم نوصل لسرعة الضوء عشان نسافر فى الزمن زى انشتاين ما بيقول

Usernamo: امال ايه يا فالح!!!

Mohammed:انا بقول ان ممكن توليد طاقة مماثلة من الحركة الدورانية ، ولو تلاحظ ان الارض كروية وحركتها دورانية وكل الكواكب كذلك والشمس برضو

Usernamo: يعنى انا لو دخلت الغسالة ممكن ارجع الاقينى طفل؟؟؟ ، وبعدين انتا فكرك ان العلماء مفكروش فى كده يعنى؟؟؟

Mohammed: غسالة ايه يا غبى ، المهم انا هعمل تجربة بسيطة ، كنموذج اولى ، ونشوف ، ايه رأيك تعمله معايا ، والنبى يا فيرو وحياة امك فريال:D:D:D:D

Usernamo: حلفتنى بالغالية ، خلاص انا معاك يا BOSS
================================================== ===
وابتدوا العمل فى المركبة الاولية بالحسابات اللى وضعها Mohammed، وجه اليوم المنتظر ، يوم التجربة العملية....

Usernamo: ها ، شغل شهرين هيأتى ثماره النهاردة

Mohammed: يارب يا Mohammed ، يا رب

Usernamo: العينة اهه

Mohammed: الجهاز لو نجح هتبقا نقلة للبشرية ، بسم الله
==================================================
ووضع MOhammed العينة داخل الاله ، وشغل المقبض بتاعها ، وبدأت الاله بدوران خفيف ، ثم اسرع فاسرع ، وبدأت السرعة تزيد والنور بدأ يرعش من كمية سحب الكهربا ، وبدأ الورق يطير ووحاول الصديقين لملمة الورق لكن كان مستحيل ، وفجأة!!!! حصل وميض شديد استمر اقل من ثانية ، واختى النموذج الاولى!!!
وفاتت ايام واسابيع ، Moahammed مستنى ظهور الاله ، وكاد ان يسلم بالامر وان القصة كلها فاشلة ، بس فيوم ، وهو قاعد فى حجرته ، حصل نفس الوميض الشديد ، وظهرت الآلة الاولية وجواها العينة اللى عمولا عليها الاختبار ، وتجمد Mohammedمن الذهول ، وفى لحظات كان اتصل بـUsernamo وجاله عالبيت ، وحصل الآتى.....


Mohammed: ايه رأيك ، نفتحها؟؟؟؟

Usernamo: لا هنستنى لحد ما تفقس لوحدها !!!

Mohammed: انتا هتهزر ، بسم الله ، ايه دا ، العينة سليمة ، التجربة نجحت ، نجحييييييييييييييييييييييييييييييييييييييييييييييي ييت

Usernamo: الحمد لله يا صحبى

Mohammed: انا عرفت ليه الالة اتأخرت ، اكيد هى سافرت فى المستقبل ، ودا شئ منتظر ، بالنسبة للى جوا الالة ، العملية مخدتش ثوانى ، لكن بالنسبالنا العملية قعدت كذا اسبوع ، فهمت ، يعنى فعلا السفر فى الزمن ممكن!!! انا مش مصدق نفسى!!!

Usernamo: الحمد لله ، دا شئ روعة ، انا بقول ننزل نكمل ماتش الكورة بقا

Mohammed: كورة ايه ، احنا قدام بوابة المستقبل ، وعالم جديد ، من دلوقتى مفيش حوادث لاننا هنقدر نتنبأ بيها

Usernamo: انتا اثبت انها سافرت فى المستقبل ، لكن الماضى.....

Mohammed: مفيش غير طريقة واحدة نعرف بيها....

Usernamo: ايه هى يا فالح؟؟

Mohammed: لازم نجرب بنفسنا!!

Usernamo: ، ايه ، لا احنا متفقناش على كده ، انتا اكيد بتهزر ، انا وافقت اعملها معاك لكن مش اجربها معاك ، اعفينى انا ، لالالالالالالالالالالالا

Mohammed: وحياة امك فريال

Usernamo: ياعم انا بكرهها اساسا ، مليش دعوة

Mohammed: كده كده؟؟؟ ، طيب ، ايه رأيك هتيجى بالعافية

Usernamo: لئاااااااااااااااااااااااااااااااااااااااااااااااا ااااااااااااااااااااااااااااااااااااااااا

وحمل Mohammed المسكين Usernamoورماه جوا آلة الزمن ، وشد المقبض ، وقفز جواها وقفل الكوة ، وبدأت الالة بالدوران ، ووسط صراخ Usernamo ووالدوران الشديد ، بدأو يطيروا داخل الالة ، وبدأو يقربوا من جدرانها ، وفجأة ، حصل وميض ، وتوقفت الآلة فجأة ، واتخبطوا الاتنين فى الارض ، وفقدوا الوعى ، وبعد كده......


و نوتمنى تكون حاذت على اعجابكم .. ان شاء الله عن قريب الحلقة الثانية ..