قررت اعمل كراسه جديده ........بس لايه ياترى؟

[shimaa2009]

النهاردة جت على بالى فوكيرة جديدة لانج
بما أنى فى أجازة بقى وفاضية
و الفكرة هى أنى أجيب كراسة واكتب فيها حاجة مهمة أوى
ايه هيا بقى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟
؟؟؟؟؟؟؟؟؟
؟؟؟؟؟؟
؟؟؟
؟؟
؟
أنى أكتب نعم الله عليا فى الكراسة دى
على ما أقدر طبعا
ايوه مفيش واحدة تفتح بؤها كده وتسبهل
وبدأت أكتب نعمة ورا نعمة
1- أنى مسلمة
2- عندى عيلة جميلة جدا
3- إخواتى زى السكر وبحبهم موت ربنا يخليهوملى "صحيح بتخانق بس بنتصالح بسرعة أوى"
4- الحمد لله سليمة من أى مرض مزمن
5- خالية من أى إعاقة
6- عايشة فى بلد آمن بدون حروب
7- حواسى الخمسة كويسيين
8- عندى أصحاب بحبهم وبيحبونى
9- الحمد لله عندى القدرة أنى اذاكر ومجتهدة الحمد لله
10- بقضى وقت فراغى على أجمل منتدى فيكى يا مصر
بعتبرها نعمة والله
11- ................
12- ............................
وفضلت أكتب نعمة ورا نعمة ألف ألف وأرجع تانى أكتب
كتبت كتير أوى وفى الآخر بصيت للكراسة وقلت
قد ايه أنا كنت غبية لما بتضايق ومش بصبر لما بتصبينى حاجة مش كويسة
مش مصيبة ولا كارثة ولا حاجة بس أنا اللى بكبر الموضوع
وناسية أن عندى نعم كتيييييييييير جدا بس مين يحمد الله

بجد يا بنات احنا مش حاسيين بقيمة النعم اللى فى ايدنا
ومش هنحس بيها غير لما تضيع
ليه مش بنشكر الله سبحانه وتعالى على النعم الكتير اللى انعم بيها علينا
واحنا مش حاسيين بيها
دايما بنبص لفوق وعاوزين نجمع كل حاجة
رغم أن احنا جمعنا كل حاجة من زمان
لأننا بقينا مسلمين .........................
ودى أكبر نعمة أنعم بها الله علينا
وبقينا مصريين ..............
بقينا عرب ..................
عندنا أهل وعيلة ....................
وعندنا آمان وسلام .......................
نبقى عاوزين ايه أكتر من كده ؟؟؟؟؟؟؟؟؟؟؟؟؟؟؟



ياريت مكنش طولت عليكم وقولولى ايه رأيكم فى الموضوع
وليه دايما الإنسان بيبص لفوق ؟؟؟؟؟؟؟؟
مبحاولش يبص لتحت ويشوف الناس عايشة ازاى؟؟؟
ويشكر بنا على النعم اللى هو فيها
والسلاآآآآآآآم ختاآآآآآآآآم
مع تحياتى
شيماء