"ملتقى طلاب 3 ثانوي"

[سرى جدااا]

المشاركة الأصلية كتبت بواسطة banzer

مبدأيا اتمنى ميكنش ردي تقيل عليكي بما إني قربتي تكرهي جنس الولاد
لأ ابدا انت ردك بسطنى جدا لانى حسيت انه اخيرا الموضوع ده بقى فى نطاق اوسع لانه بقاله سنين ومبحكيش خالص فحاسه انى ارتحت دلوقتى انه حد حاسس بيا
بصراحة الموقف بتاعك صعب جداً وانا أحييكي بشدة لاستمرار ثقتك ومحاولاتك لحد دلوقتي رغم كل ده

وثقي تماماً إنه ده ثوابه كبير جداً عند ربنا بإذن الله
ومتيأسيش
ادعلهم بالهداية في كل صلاة
في كل افطار بعد صيام
في كل وقت مبارك ومستجاب دعوته
متزهقيش حاولي كتير
الحل هنا هو الهداية من عند ربنا
ماشى والله كل ده حصل وبدعى كتيييييييييييييييير جدا والله لدرجة انى سألت ابله كانت بتدرسلى وقلتلها هو فى حد معين انا بدعيله بالهدايه والدعوه دى مش مستجابه نهااااااااااائى#بل كل يوم الحال اوحش من اللى قبله
قالتلى يبقى الانسان ده مش فى قلبه الخير الكفايه علشان ربنا يهديه فبدأت ادعى اكتر واقول لأ مفيش حاجه صعبه ابدا والنتيجه انه فعلا الموضوع اتعقد خالص وحياتى بتدمر معاه والله بجد تعبت
الناس لسه فيها خير كتير وفي اللى بيصلو كتير
لازم تتكلمي مع صاحبتك دي كتير
كنوع من الفضفضة طبعاً ومعينة على الطاعة بصفة اساسية
لإنها في بيت ديني نوعا ما
وحتساعدك تقربي اكتر من ربنا
اه فعلا انا حاسه انه دا المفروض اللى يحصل دلوقتى
بس البنت دى مفيش فى دماغها اى حاجه غير المذاكره وبس ولما كنت اتكلم معاها فى اى حاجه تقولى يا بنتى الكلام ده بيضيعلك طاقتك وفرى الطاقه دى علشان تعرفى تتطلعيها فى المذاكره والله انا مش ببالغ فى كلامى بس هى فعلا اهم حاجه فى حياتها بل الحاجه الوحيده فى حياتها المذاكره وبس ما شاء الله

اهم حاجة ثقي إنه كل مجهود وكل دمعة عشان خاطر اسرتك
ثوابهم كبير عند ربنا
محدش يطول يعيط وياخد ثواب اهو
الحمد لله
بس انا والله مش هستحمل ابدا يوم القيامه انى اشوفهم بيتعذبوا والله انا مش هستحمل ابدا ابدا
ومش ببطل افكر فى الموضوع ده نهائى

بس أهم حاجة متيأسيش بسرعة حتى ولو الموضوع طول
وبإذن الله خليكي على ثقة بربنا
وطول منتي خالصة لوجه الله حتلاقي المخرج بإذن الله

يا رب اهديهم يا رب ويا رب اهدى المسلمين كلهم يارب
بجد ردك ريحنى كتيييير
جزاك الله حيرا
وانا اسفه ان كل حاجه اطلعلك فيها مشكله بس زى ما قولت انا عايزه افضفض