يا ترى ليه المسجد دلوقتى بقا فاضى؟!؟!

[ميراج]

ازيكم يا جماعه يارب تكونوا بخير
والله فى حاجه غريبه كده قولت اجى واتكلم معاكوا فيها
لحسن حاسه ان هيجرالى حاجه
طبعا احنا فى شهر كريم وخلاص الشهر قرب يخلص وهيروح رمضان
وهتروح ايامه الحلوه
ويارب يقدرنا كلنا اننا نختم القرءان
قولوا آمين
اول ما جه رمضان وقولنا اهوه جه يا ولاد رمضان يا ولاد!!!!
كان ما شاء الله على الناس فى المساجد اعداد وتزاحم بشكل كبير جدا مش فى صلاه التراويح بس فى صلاه الفجر كمان
وكانت بصراحه فرحه اننا نلاقى المساجد فيها ناس كتير بتصلى
بس يا فرحه ما تمت خدها الغراب وطار!!!!!!!!!
زى ما بيقولوا!!؟؟
خدها الغراب وطار راح فين!؟!؟ الله اعلم؟!؟!
للأسف بقت عبادتنا لربنا بالقطاره!!!!!
اول عشرة ايام فى رمضان المساجد مكدسه
وياريت بيكملوا!!!
وكمان اخر عشرة ايام!!
زى ما تقول الناس بتفوق فى اول عشرة!!
ويجيلها غيبوبه فى النص!!
ويبدءوا
يصحوا من تانى!!
بعد ما ضيعوا ايام كتير حلوه من شهر كريم
يا عالم هيعدى على كل واحد فينا تانى ولا لأ؟؟؟؟
ده طبعا الا من رحم ربى
بس بجد حاجه تحزن اوى
بعد ما كان الناس ما شاء الله عدد كبير فى المساجد وبيجروا عشان يلحقوا صلاتهم!!!
دلوقتى بقا المسجد بيكمل صفين والله العظيم بالعافيه!!
والمصيبه الكبيره بعد رمضان!!؟؟
بترجع ريما لعادتها القديمه!!!
والمساجد بترجع فاضيه والمصحف محدش بيمسكه!!
هنقول ايه حاجه تغيظ والله!!!
بس ده اللى كنت عايزه اقوله فقولت تشاركونى همى وحزنى على حال مساجدنا اليوم!!!
وحالنا عموما كمسلمين!! بدل ما كل يوم ايمانا يقوى عن الاول!!
للأسف بيضعف يوم بعد يوم
والناس بترجع لورا!!
بدل ما تتحرك اودام!!
سؤال اخير ليه ايمانا بقا بالقطعه؟!!
ليه بقينا بنجزء ايمانا؟!؟!
فى رمضان العباده ليها شكل!!
وايامنا العاديه ليها شكل؟!
ليه منخليش ايامنا كلها رمضان؟!؟!
وربنا يهدى جميع المسلمين
وانا اولهم؟؟
اصلى طماعه اوى
قولوا آمين