ايه هو الدور الثانى؟؟!!

[محمد(o)]

ايه هو الدور الثانى؟؟؟!

حاجه من وجهه نظرى تتلغى افضل
لانها تستغل اسوء استغلال
مادام الازهر يتبع نهج التربيه والتعليم ف اعاده لتصحيح (رصد فقط)مع انه فاهم غلط والمعامله هناك بتختلف بس مش موضوعنا

الدور الثانى المفروض يبقى للى عندهم مواد وميبقاش ف تاجيل
والتنسيق يبقى مرحلتين دا لافضل

عارفيــــن ليـــــــــــه ......مش علشان لوقت علشان ف حاجات كتير بتحصل بلاوى كتير
ف لجنه فيها ولد ميعرفش حتى ايه المقررات او المناهج

بس والده بئه رئيس منطقه مجاوره

المراقبين معرفه ومظبطينهم

الحل يجى كل يوم ومدرسين يدخلوا يحلوا الامتحان

والله زى ما بقلكم الولد دا ميعرفش منظر لكتب

كان يقول انه مش هيدخل اصلا امتحان السنادى
بس كانت خطه منه

لانه امتحن ف العام لسنه دى مكنش عنده وقت للازهر

فيعمل ايه بئه غير انه يغش كله (والدور لثانى والتاجيل ساعده )

يوم الميكانيكـــــــــــا
صاحبى كان ماجل الرياضه

الولد دا دخله ورق ومعاه الموبايل بيكلم والده
وكمان متابع مع مدرس من بـــــــــــــــره

فجــــــــــــــــــــــــأه

جه موجه من بره (زى ما بيقولوا تفتيش )
لموا الورق قبل ما يدخل

كان لسه ملحقش يكتب حاجه

بعد شويه

نزل الموجه

افتكروه مشى

وزعوا كل حاجه

لكن ........رجع تانى

شاف كل حاجه وزعق واخد الورق

بما ان المراقبين كلهم يعرفوا والد الولد

اتصل واحد بيه وقله

المفتش فلان اخد الورق من ابنك وصعب للجنه

رن موبايل الموجه
رد عليه

تفتكروا حصل ايه
.
.
.
قام وزع الورق بنفســـــــــه **
ايه رايكم



طالب ميعرفش المنهج ولا عمره شافه

طالب غش كل المواد

كل الاسئله

كل النقاط

كل الاجابات

كلها حلها مدرسين

بيكتب براحته

خط ماشاء الله

تفتكروا لو مفيش تاجيـــــــــــــل ف الدور الثانى

كان حصل ع لنهائيه

والله انا لو اعرف هيحصل كدا

كنت اجلت مادتين او تلاته

مش علشان اغش

لا


علشان مخلهوش يحل فيهم

لانى حكمت للجنه لدور لاول

هو دا الحق الى بيتكلموا عنه

الواحد الحقه وسكت

راح صحح ورقه شاف حقه قدامه معرفش يعمل ايه وسكت

كــــــــــل دا مش حرام حد يقلى

الى متعرفهوش ان الولد دا اخواته الاتنين قبله دخلوا بنفس لطريقه

صيدله

محدش يستغرب عادى عادى بتحصل


ع فكره دى مش قصه متالفه
لا والله صحبى كان ماجل الرياضه وشاف كل دا
وكان متغاظ لانه مقدرش يعمل حاجه



مستنى ارائكم


ايه رايكم ف الدور الثانى


محدش يقلى اوقات بيكون ف ظروف
مش مشكلتى التربيه والتعليم مش نظامهم افضل

اغلب الى بياجلوا ناويين يغشوا

فالمفروض يتلغى لانه بيسبب اضرار اكتر وسلبياته اكتر من ايجابيااته

ولدور الثانى المفروض يكون عليه نصف الدرجه فقط