بكالوريوس العلوم تذكره درجه تانيه!!برجاء حذف الموضوع منعا للإحراج

[عمــرو]

السلام عليكم ورحمة الله وبركاته
هذا الموضوع منقول للافادة
السلام عليكم ورحمة الله وبركاته
طبعا قبل ما الناس تزقلني بالطوب عشان موضوع العنوان احب اقولكم يا جماعه ان انا خريج علوم
بس أنا اكتشفت ان أحنا ولاد البطه السودا
حتقولي ازاي
حقولك أكيد طبعا بيبان علي الريش!
يعني علي سبيل المثال لما شركه تطلب حد يشتغل في الكيمياء او الجيولوجيا اللي هيا جوهر تخصص كلية علوم وخصوصا لو كانت شركه كبيره تلاقيه يروح كاتبلك في الإعلان مطلوب مهندس كيميائي أو مهندس جيولوجي تروح سيادتك عشان تقدم وتكون الصدمه يبصلك بقرف من فوق لتحت ويقولك احنا عايزين مهندس كيميائي انتا كيميائي بس !!
هيا ايه علاقة الكيمياء بالهندسه اساسا حد يقولي يا ناس
ولو اشتغلت يبقي في شركه صغيره عشان انتا غلبان مش حتطلب كتير
تشتغل مندوب في شركة أدويه صغيره آه أنما مالتي ناشيونال بعينك
تلاقيه بكل قرف يقولك سوري عايزين طب او صيدله او بيطري
وعلي نفس في الشاكله هتلاقي
بتوع تحاليل طبيه أو الآشعه انتا اخصائي من تحت ضرسهم ماشي بس متقولش دكتور!
وطبعا بتاع تربيه ليه اولويه عليك في التعيين في التدريس!
وفي الصيدليه عشان تشتغل حيبقي اسمك مساعد صيدلي !
وهكذا
عارفين مشكلتنا ايه يا جماعه ان احنا الوحيدين اللي معملناش لنفسنا برستيج آه والله هيا ماشيه كده برستيج ومسميات مش اكتر ولا اقل
بتوع طب المفروض اسمهم أطباء لحد ما يخدوا دكتوراه يبقي اسمهم دكاتره ومع ذلك ما ضيعوش وقت سموا نفسهم دكاتره من اولي كليه
بتوع هندسه لقو مهندس تقيله شويه سموا نفسهم باش مهندس
بتوع صيدله اسمهم صيادله سموا نفسهم دكاتره مع أن نادر جدا ما تلاقي حد فيهم بيكمل دراسات وياخد دكتوراه بس برافو عليهم خدوها عافيه
أما احنا ما تعرفنلاش لقب علي يعني واحد يقولك يااستاذ يا كابتن ياكوتش هوا وكرم اخلاقه عشان كده اجتمعت لجنة حموم الإنسان وقررت تعملنا لقب
ايه رأيكم في بروفيسور
لأ لأ تقيله شوي نخليها بروف
لأ علي وزن دغف مش حلوه
ماستر لأ حيفكروك مدرس انجليزي...