حلها .... يا رمضان (( الحلقة الاولى ))

[usernamo]

بسم الله الرحمن الرحيم

ام بتسال فين ولادى ..

ده رمضان جالى و لسه و لادى

قاعدة فى بيت .. مع مسنين ..

مفيش كلام ... مفيش سلام

اصلى و اصوم .. و لا اعدى و اقول

ده رمضان جالى و لسه ولادى

ربيت و كبرت

اكّلت و شربت

سهرت و ضحيت و قولت اكيد هيتمر فيهم

كبرت انا و لقيت كل واحد فى مكان

شوف بنتى بتراعى جوزها و ناسيه امها اللى رعيتها

و اختها للى خليتها دكتورة و من ساعتها و هى ناسيانى

و بتقول العلم العلم .. و ياربى هو العلم هيبقى اهم منى .

و لا اخوهم .. الكبير .. اللى شغلته و حفيت ..

و قلت يارب خليه احسن منى فى دنياه ..

يارب خلينى فخر بيه .. طلع ظابط اد الدنيا ..

جوزته و فرحته .. و فى الاخر بيقول..

انا امى اتوفت .. تخيل يا رمضان امى توفت ..

بيقولو عليك شهر الرحمة ...شهر المغفرة

انا مش طالبة .. ولادى يرجعولى .. انا مش طالبة ولادى يفتكرونى

انا بقول و دمعتى على خدى .. وحسبى ربى ...

ياااااااااارب .... ياااااااااارب

اغفر لولادى !!

انا مسمحاهم .. انا غفرلهم ..

انت الغفور انت الرحيم ..

فرضى بسماحى ليهم .. و كفر عنهم ..


(( ام ولادها نسيانها و هى بالدعاء فاكراهم ))


.. حلها يا رمضان ..