لوكنت مكانك

[طمطومة]

لوكنت مكانك
اول كلمة هتسمعها من حد لو كنت بتحكيله عن حاجة حصلتلك
يقعد يقولك لو كنت مكانك كنت عملت وعملت
ويحسسك بالاحباط والفشل والضعف
ويحسسك من الاخر انك مالكش لازمة
وهو لومكانك ماكنش هيغمل اى حاجة من اللى عمال يقولوا
ممكن من كتر لوكنت مكانك تحس انك بتكلم عنترة
ولكن
ماتستبعدش نفسك برضه فى بعض الظروف بتقعد تقول لو كنت مكانك
دى ممكن تودى فى داهية
ازاى ؟تقعد تقولوا كدة لحد ماالدم يغلى فى عروقه ويروح يبهدل الدنيا
لانك حسسته انك اقوى منه
ويعمل المصيبة ويرجعللك وبرضه هتقولوا لوكنت مكانك
تحسسه بالندم وتخليه يخرب الدنيا اكتر ماهى مخروبة
فلو كان عندك خير قولوا
ولو معندكش حط لسانك فى بوقك واسكت
لاضرر ولاضرار