كلية التربية _جامعة طنطا_دبلوم مهنى _إدارة مدرسية

[ا/السيد سليم]

قصيدة للشاعر / رشيد العمودي . في مدح شمّر ،،،

ياخليف حدتني على بعض الاوضـاع000ناس تمس الحبـل مـن فـوق يدهـا
ناس مـن النعمـه محاميـل وشبـاع000وليـا سمعـت علومـهـا تنتقـدهـا
ناس علـى راسـه معمـه ومركـاع000تبي المغـازي ميـر ربـك ضهدهـا
ناس تناجينـا علـى زنـد وكـراع000عجزت اعرف احوالها مـن حسدهـا
ناس كلـت سبـع المذاكيـر بصـاع000مـدري شعـاه ابليـس ولا ولـدهـا
وعديت عنهم يالجهيلـي بالاصبـاع000يامـا وقفـت بنمـرت(ن) مابعدهـا
وانا طبيب وعـارف كـل الاوجـاع000عارف عمى عين المريض ورمدهـا
عندي خـرز داب ومصبـه ومقـلاع000واكوي مريض الراس واقـول عدها
واقرى واحجم عن السبب خمسه انواع0وانفـخ بقـروه والمريـض يحمدها
وان طولت باقفلاها واضـرب القـاع000يامـا يعـوم غبارهـا مـع زبدهـا
وانا مـن اللـي يتناخـوا بالافـزاع000هاضت صناصيد العرب من زهدهـا
شمر ليشـان اللغـى والدخـن ثـاع000روس الحـرار تعـدهـا وتـــهبـدهـا
شمر ودايع نجد شمـر هـلا البـاع000شمر هلا النامـوس شمـر وحدهـا
شمر هـلا الـردات ياخليـف بتـاع000شمر حمـول الخيـل شمـر سندهـا
شمر لياقالوا زعيـــــم العـرب ضـاع000كـل الدلايـل تاخـذه مـن ولدهـا
شمر هلا الجـولات ياصكـت القـاع000شمـر تعـدل المايلـه مـن سعدهـا
شمر طعونه تقصف العمـر ووساع000ياجـردت بسيوفهـا مـن غمـدها
شمر على دور النبي ذكرهـم شـاع00صالوا وجالواواحتمـوا عـن بلدها
شمر ياصكوا علـى القـوم مطـلاع000كــــم مـن زعيـم سابقـه مالكدهـا
شمر زهـو زهيـد للمـوت قطـاع000شمر تمـس مـن العـوارف عقدهـا
شمر تقود القوم مـع كـل الاوسـاع000شمـر تشـب بنارهـا مـن وقدهـا
شمر زحازيح الجبـل مابـه اركـاع000شمر هلا الجـولات يثبـت عددهـا
شمر خلف عقبان وصقـور وسبـاع000شمـر تدلـه بالمـعـادي كـردهـا
شمر طنايـا ترخـص العمـر بيـاع0000شمـر تخـز عقابهـا مـع لبـدهـا
شمر ليادكـت علـى القـوم تنـزاع00000شمـر سـلايـل لابــة مابعـدهـا
شمـر تعلت يـوم شــالـع وشـلاع0000شمر تبـث زروعهـا وتحصدها
شمـر ليهـاز الوطـن كــــل طمـاع0000شمـررواق البيت شمـرعمدها
شمر هلا الفزعـه مغاويـل الابداع000شمـر بـه التاريـخ قـال وحمدهـا
شمر ليا منـه غـدى السيف لمـاع00والرمـح والشلفـى تـدور بجندهـا
يصير لها بالقيـض جنـه ومربـاع00وكنـه تسـاوق بالسحايـب رعدهـا
شمر مكارمهـم جزيـلات ووسـاع000شمر مقر الكيـف لـه مـن شهدها
شمر خبرها الذيب والذيب ماجاع000والـي ذبـح للذيـب وفـــا وعدهـا
هلا الربـاع مزبنـت كـل مرتـاع000الي تصـون سلومهـا مـن جهدهـا
ياخليف شمـرعايزيـن بالاهكـاع00وياخليف شمر خاسـرن مـن نقدهـا
واسلم سلمت من الملامه والاوجاع0ياشاعـرن روس المعالـي صعدهـا