مدرسة الحب تعلمى من النبى (ص)واغسلى كل الذنوب خشى بسرعة

[EZEL coming]

السلام عليكم ورحمة الله وبركاته هذة الموضوع منقول من موقع الاستاذ مصطفى حسنى
الداعية الاسلامى هذة الموضوع الاول ويتكلم على التحق الآن بمدرسة الحب
بشكركم على كل المشاركات اللي بتوصلني على الموقع وعلى فيسبوك...
عايز أشكركم على التشجيع والدعاء اللي انا بشوفه في كل كلمة إيجابية بتكتبوها فعلا بحس ان قلبي بيحيى بكلامكم...

انهارده انا موجود معاكم عشان نُعيد مع بعض افتتاح مدرسة الحب في القرن 21!

مدرسة الحب اللي كلنا محتاجين ندخلها عشان نتخرج منها زي ما كثير من العظماء قرروا انهم يدخلوا مدرسة الحب...العظماء اللي حبوا ربنا سبحانه وتعالى، وحبوا النبي صلى الله عليه وسلم، وحبوا انهم يعيشوا زي ما ربنا سبحانه وتعالى بيحب..

المنهج اللي وضعه سيدنا محمد صلى الله عليه وآله وسلم، وايه اللي كان بيتعلمه كل واحد خد قرار انه يدخل مدرسة الحب...ده اللي هنعرفه ان شاء الله كل يوم في رمضان.

شعارنا السنة دي في رمضان: "كُن عبداً ربانيا". ودي الصفة اللي كانت بتحقق في كل واحد خد قرار انه يدخل مدرسة الحب ويتبرى على ايد النبي صلى الله عليه وسلم..

عايزين ناخد قرار اننا ندخل المدرسة ونتربى على ايد النبي صلى الله عليه وسلم زي ناس كثير كان حلمها انها تتربى على ايد النبي صلى الله عليه وسلم وتعيش زي ما ربنا سبحانه وتعالى بيحب.

عملنا شئ رمزي يثبت نيتنا في حب اننا نتربى على ايد النبي صلى الله عليه وسلم ونعيش زي ما ربنا سبحانه وتعالى يحب...عملنا "طلب التحاق بدرسة الحب". ادخل اكتب اسمك والتحق بالمدرسة. وانا عندي ايمان ان النبي صلى الله عليه وسلم هيشوف اعمالنا وده كلام ربنا سبحانه وتعالى "وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ ..." فأنا متأكد ان النبي هيشوف طلبات الالتحاق دي وهتُعرض عليه- صلى الله عليه وسلم- زي ما بتُعرض على ربنا. ويا سلام لما تبقى الآف من طلبات الالتحاق بتقول اننا كلنا نفسنا نبقى "عبدا ربانيا".

يا فرحة النبي صلى الله عليه وسلم!! ويا فرحة ربنا سبحانه وتعالى ومباهاة ربنا للملائكة بكل وحد نفسه يكون زي ما ربنا أمرنا "عبد ربانيا".

يللا سجل اسمك عشان تكون جنب سيدنا أبو بكر، وسدينا عمر، والسيدة فاطمة بنت النبي صلى الله عليه وسلم، يللا عشان تبقى جنب محمد الفاتح وأسماء بنت أبي بكر وجنب الإمام الغزالي اللي كلهم دخلوا مدرسة الحب وكلهم اتخرجوا منها عباد ربانيين.

يللا اكتبوا اسمائكم واطبعوا الطلب من على الموقع ووزعوه عشان ندخل كلنا مدرسة الحب ونكون كلنا "عبدا ربانيا"...

للاطلاع على طلب الالتحاق بمدرسة الحب اضغط هنا
http://mustafahosny.com/love_school.php
لمشاهدة فيديو شرح الالتحاق بالمدرسة اضغط هنا
http://mustafahosny.com/multimedia.php?id=762
صلوا على سيد المُعلمين... أخوكم
مصطفى حسني والموضوع الثانى مدرسة الحب: برنامج رمضان 1431 هـ السلام عليكم ورحمة الله وبركاته

اهلا وسهلا بالشباب والبنات على موقعنا

وحشتوني جدا الفترة اللي فاتت، سامحوني اني بقالي فترة غايب عنكم، بس انتوا فعلا مكنتوش غايبين عني ولا عن تفكيري

اعتمدت عليكم كليا وانا بحضر برنامج رمضان- وده سبب غيابي الفترة اللي فاتت

في كل كلمة بكتبها فاكر مشاكلكم، ومشاعركم، وأحلامكم، وأهدافكم

يللا نحط ايدينا في ايد بعض عشان نعرف خطة رمضان السنة دي

اسم برنامج رمضان سنة 1431 هـ، 2010 م هو "مدرسة الحب".

ايه هي مدرسة الحب؟

هل هي مدرسة حقيقية ولا مجرد اسم للبرنامج؟

مين اللي انشأ مدرسة الحب؟

هل هي مستمرة حتى الآن؟

ايه أهمية اننا ندخلها ونتفرج عليها؟

ايه مدى احتياجنا كلنا للمدرسة؟

مستني اجاباتكم على الأسئلة دي كلها

وأكيد هنتقابل تاني قريب جدا ان شاء الله عشان نتكلم أكتر ونوضح فكرة مدرسة الحب

شدوا حيلكم رمضان قرب

لمشاهدة الجزء الأول من الاعلان اضغط هنا
http://mustafahosny.com/multimedia.php?id=759
صلوا على سيد المحبين والمحبوبين
أخوكم
مصطفى حسني والموضوع الثالث منهج مدرسة الحب!

السلام عليكم ورحمة الله وبركاته

اهلا وسهلا بحضراتكم

من قلبي بشكر كل واحد وواحدة بعت لنا اجابات عن الأسئلة اللي سألناها المرة اللي فاتت عن فكرة "مدرسة الحب" لأن كالعادة المشاركات جت مفيدة وناس كثير قربت من فكرة البرنامج!

مدرسة الحب هي مدرسة حقيقة انشأها النبي صلى الله عليه وآله وسلم من يوم ما بُعث. مش شرط تكون مدرسة لها جدران، لكنها مدرسة وليها منهج واضح. وكل واحد كان نفسه يقرب من ربنا سبحانه وتعالى ويعيش زي ما ربنا سبحانه وتعالى حابب حس باحتياجه لدخول مدرسة الحب وتعلم المنهج اللي النبي صلى الله عليه وآله وسلم وضعه لمدرسة الحب.

وفضلت الأجيال تتوارث فكرة مدرسة الحب وتتوارث المنهج لغاية ما هنيجي في عام 2010- 1431 وبإذن الله نعيد افتتاح مدرسة الحب! لشعورنا باحتياج كل واحد فينا واحتياج مجتمعنا لتعلم منهج مدرسة الحب.

ايه هي توقعاتك من المنهج؟ ايه المنهج اللي ممكن يغير كل واحد ياخد قرار انه يدخل مدرسة الحب؟

ايه المنهج اللي هيغيرنا التغيير اللي يظهر في سلوكياتنا وفي تعاملاتنا مع بعض؟

ايه المنهج اللي النبي صلى الله عليه وسلم غيّر بيه كل اللي حواليه اللي حبوا انهم
يعيشوا زي ما ربنا يحب؟

ايه هي الحاجة اللي ممكن بجد تغيرنا والتغير ده يبقى مستمر حتى بعد رمضان؟

في انتظار مشاركاتكم...وأكيد هنتقابل تاني ان شاء الله

صلوا على سيد المُعلمين

أخوكم

مصطفى حسني

لمشاهدة وتحميل الجزء الثاني من الاعلان اضغط هنا

http://mustafahosny.com/multimedia.php?id=760 صلوا على سيد المحبين والمحبوبين
أخوكم
مصطفى حسني

معلومات قد تهمك

موقع الداعية مصطفى حسنى

http://mustafahosny.com/index.php وهذة الموقع بة اعلانين للبرنامج http://mustafahosny.com/multimedia.php?id=763
وشكرا لكم على قراءة الموضوع وارجو من الله عز وجل ان اكون نفعتكم بهذة الموضوع و ساهم برد