محو الامية بمصر القديمة

[عمرو المهدى]

يا جماعه أنا معلم متعاقد بإداره مصر القديمه التعليميه
بالأمس كان هناك إجتماع مع المعلمين المتعاقدين بالإداره
وقد حضرت الإجتماع أملا فى أن تكون هناك أخبار عن التثبيت
ولكنى فوجئت بما جاء به الإجتماع
كان الإجتماع سيرأسه مسئول بالمحافظه ولكن فى اللحظه الأخيره إعتذر المسئول لأسباب خاصه به
وقد ترأست الإجتماع السيده مدير عام الإداره
وقد كان هدف الإجتماع الآتى
إعلام المعلم المتعاقد بأن المحافظه ستفتتح فصول محو الأميه
وطبعا مطلوب مننا الإشتراك وتسجيل أسماءنا بالإداره
ولما المدير العام شافتنا ان وجوهنا تغيرت غضبا قالت لنا متخافوش
فصول محو الأميه مش ببلاش اللى هيشترك هياخد
150 جنيه فى الشهر
مقدمه من هيئه محو الأميه
بالإضافه الى 50 جنيه سيحصل عليها فقط المتميزين فى هذا المجال
يعنى المجموع 200 جنيه وده طبعا فى أحسن الأحوال
ولكن الآن هذا موضوع إختيارى وليس إجبارى للمعلمين المتعاقدين
فقمت وسألتها عن التثبيت وإننى قرأت فى جريده الأهرام المسائى خبر عن تعيين 40000 معلم متعاقد
فى شهر أغسطس فكان الرد هو :
مفيش أخبار جاتلنا عن التثبيت ولا حاجه وفصول محو الأميه دى عباره عن Bonus ليكم
وطبعا إنتم المستفيدين منها فقط


وذلك لإستمرار التعاقد

وطبعا أنا سمعت الجمله دى وكنت هموت من الغيظ
يعنى كمان محو الأميه ده مش للتثبيت ده علشان يفضلوا مستمرين فى التعاقد معايا
يعنى انا راجل تربوى خريج كليه التربيه
وحاصل على ICDL
وحضرت دوره التعلم النشط
وحضرت دوره طرق التدريس
وختامها زفت بأننى إمتحنت الإمتحان المهين بتاع الكادر للمعلمين المتعاقدين ونجحت فيه ولله الحمد
وفى الآخر كمان عاوزيننى أشترك فى محو الأميه علشان يستمروا فى التعاقد معايا
والله حرام اللى بيحصل ده
يا جماعه أنا بدعوا كل الزملاء فى جميع المحافظات انهم يرفضوا رفضا قطعيا لموضوع محو الأميه ده
لأن الموضوع لا يحتمل مهانه أكتر من اللى إحنا فيها دى
على فكره وللإيضاح
أنا مش ضد إشتراك الناس فى محو الأميه ولكنى ضد أن يتحكموا فينا بهذه الطريقه المهينه ويتخذوا قرارات ضدنا
بهذه الطريقه
انا شخصيا مستعد إنى أشترك فيها بعد أن يقوموا بتثبيتى وليس قبل ذلك
وأرجوا من الجميع أن نكون يدا واحده فى هذا الموضوع وأن نقاطع فصول محو الأميه حتى يتم تثبيتنا
وآسف على الإطاله