لكل اللى جابو ف التمانينات ف تانية ثانوى علمى خبر حلو وهام

[bahaaeldeen]

انا هنصح كل اللى فى التمانينات علشان نعدى وعشان منيأسش ومنحولش لادبى ياريت نقرا الكلام دة هيفيدنا كلنا والله العظيم


فى البداية انا كنت طالب شاطر كنت بجيب 93% وعمرى ما جبت 88% الا تانية ثانوى ومكنتش مصدق
بس اكتشفت ان اللى فى التسعينات معظمهم بيغشوا
وللاسف الامتحان كان بيقيس الطالب اللى بيعرف يغش
فكرتونى بالمقولة ذاكر تنجح غش تجيب مجموع
المهم عايز اقول لكل اللى جابو فى التمانينات اننا ابطال وجبناها بجهدنا وفيه امل كبير اوى فى هندسة

وانا هقولكو على نصايح لازم نعملها عشان ربنا يكرمنا ونروح هندسة

اولا: متسمعش لكلام الناس الفاقدة اللى تقولك حول وغير تفكيرك والكلام الفارغ دة واللى يقولك انك مش هتلحق هندسة.

ثانيا: حط قدامك هدف ومتغيرهوش.

ثالثا: احنا كلنا مظلومين لاننا معرفناش نغش.

رابعا: خد المادة الادبية علم نفس واجتماع لانها مضمونة مية ف المية والدليل ان ناس ادبى فاشلة جابت درجات ف الاربعينات فيها.

خامسا: خد مستوى رفيع انجلش عشان تتسلح ومجموعك يزيد وتضمن وحاول تذاكره.

سادسا: ذاكر بكل قوتك عشان تدمر الناس اللى فضلت تغيظك.

سابعا: ودى اخطر حاجة انك تبعد عن العيال اللى كانو بيحاولو ينزلوك
يعنى للولاد تلاقي صحبك يقولك شوف البنت دى شوف المزة دى والبنات تحاول تخلي البنت صحبتها متذاكرش حتى لو كان اعز صحابك ابعد عنه ومتكلمهوش.

ثامنا: اعمل اللى عليك والباقى على ربنا.

تاسعا: خليك دايما واثق فى قدراتك واعرف انك اشطر منهم كلهم.

عاشرا: اوعاك فى يوم تيأس وياما ناس جابت فى تانية تمانينات وجت فى تالتة جابت 98 وتأهلت لكاس الهندسة.

واخر حاجة التنسيق هينزل ل 90% وحتى لو روحت هندسة محافظات مش مشكلة انا ابن خالتى جاب ف الثانوى كله 91 بالمستوى الرفيع وسافر طنطا وقعد هناك سنة وحول لهندسة عين شمس ودلوقتى بيحضر دكتوراة والله.

وبجد بجد عايزين نشجع بعض وتقولو ردود عشان نسمع بعضنا ولو حد عنده اقتراح جديد ياريت يضيفه هنا
ودة ايميلى لاى حد عايز مساعدة او نصيحة
bebo_randyorten
ع الياهو

ويارب نتأهل للهندسة كلنا لاننا مظلومين
مستنى ردودكم
مع تحيات طالب حاصل فى التمانينات