تموره والأهرام

[**تسابيح**]

السلام عليكم ورحمة الله وبركاته
في مرة وأنا راحة عن بتاع الجرايد
عشان اشتري مجلة العربي
لقيت كتاب مش فاكرة الاسم بالذات
المهم غلاف الكتاب كدا
عليه صورة فنان الجيل تمورة
تامر حسني يعني
وبيحكي بيان عن حياته العاطفية
دلوقتي وانا بدور في النت
لقيت أحمد المسلماني بيتكلم عن تمورة
والمقالة اللي كاتبها في الأهرام
تمورة حبيب الملايين بيكتب في الأهرام

بعيداا طبعا ان الأهرام حكومية وبتاعة الحكومة
وعايز الشباب مش بيفكر الا في الأغاني
والكلام المتخلف والسطحية وخلاص
وبعيداا بردو ان الأهرام كلها اعلانات
عن الفيلات اللي تمنها رخيص يعني كام مليون كداا
بعيداا عن كل دا
تمورة بئا كتب مقال عن أغنيته
وان الأغنية واقعية وهي اللي كاتب كلمتها
وملحنها
وكاتب تحذير
ان كل من ينطبق عليه هذه الأغنية
مش يسمعها مع شريك حياته منعا للمشاكل
واد ايه الأغنية دي كانت مؤثرة وبتعبر عن الحب

وبيقول ان الأغنية
وهي (حكاية كام واحد فينا)
واقعية
في مرة تمورة قعد
مع واحد صاحبه وصاحبه متجوز
وقال مش هي اللي كانت في خيالي
(عشان يافالح كنت ماشي مع تلت تربع البنات .فأنت اكيد عايز كل موصفة في كل بنت من اللي كنت تعرفهم..عايز ايه بئا نصنع لك واحدة من المريخ)
وان لازم الواحد يتجوز عن حب
(يقصد يعني ان كل واحد يمشي مع واحد وتليفونات بئا)
واللي يتجوز من غير حب بيحزن
(ياعيني قربت اعيط محدش معاه منديل)
المهم ياجماعة
بالله عليكم هو كل من هب ودب يكتب في الصحف كدا
وياريت مقال عليه القيمة
كان الواحد قال حاجة
انا قرأت المقال لقيته تافهه لأبعد الحدود
جداا يعني
وبدأ يعرض الفكر الاجتماعي عنه
ازاي تحبه وازاي تجوزوا
وان الناس بتتجوز
ويعرفوا ان الجواز مسؤولية
ويبدأ هات وخذ ...
هو داا المقال

غير ان الحاج أحمد المسلماني
بيقول (ولا همزة حاططها ولا المبتدأ مبتدأ ولا خبر خبر وخلي المثني جمع ودمر الدنيا في قواعد اللغة العربية)
بصراحة ياجماعة
انا منغاظة منه اصلااا
مش بطيقه كداا
ولا في حفلاته بئا
البنات اللي مش محترمة اللي بتترمي عليه
مناظر منحطة في المجتمع المصري المتدين
لاحول ولا قوة الا بالله ..
ولا الأفلام السخيفة اللي فكرتها كلها متخلفة ومش لها هدف أصلاا
والناس بتكبره كداا
عليه ايه يعني مين دا يعني
الله يرحمنا برحمته
سلالالالالالالالالام