نظرة عقلانية .. لجدول الثانوية / و بعض التأملات .. في جدول الامتحانات

[The Lord Of The Rings]

<div align="center">بسم الله الرحمن الرحيم

قضي الأمر الذي فيه تستفيان

كل سنة و انتم طيبين يا جماعة .. نزل الجدول خلاااااص و كله عرف شهر 6 هيعدي عليه اززاي

و هتبدأ مرحلة الاستعداد القصوى

و من الواضح بعد نزل الجدول وجود اعتراضات بالرغم من المواويل اللى حصلت دي كلها

طلبة علمي رياضة و الطلبة اللى واخدين كيمياء ف تالتة و بتوع التاريخ كمااااان

طبعا كله عنده الحق انه يقلق ع الموضوع ده .. ((( ده مستقبل ))) مش سهلة

و كله عنده حق في ان هو يطالب بتطبيق العدالة .. مانقدرش نلووومه .. قلقان يا جماعة و خايف

و مكدبش عليكم .. انا نفسي من الناس اللى اعترضت كتير و اتخنقت من الجدول و قلت كتير اعتراضات

لكن ،،،،،،،،،،،،

لما قعدت فكرت مع نفسي بعد نزول الجدول و خلصت

لقيت يا جماعة ان اللى يحضر نفسه من دلوقتي و يجهز نفسه

و يخلص على كل مناهجه و يتقى ربنا ف مذاكرته

معندوش اي داعي انه يفكر ف كيفية الامتحانات و فواصيلها و ترتيبها ... ((( مع ان القلق ده حاجة طبيعية )))

يعني اللى مجهز نفسه و متوكل على الله و آخذ بالأسباب

الجدول ميسببلوش اي خوف او اضطراب مهما كان شكله او فواصله

يا جماعة زمان كانوا بيمتحنوا يوميا -ما عدا الثلاثاء- كل اسبوع

و بمعدل مادتين ف اليوم .. طيب بالله عليكم تخيلوا لو فوجئتم ان جدولكم هيكون بالطريقة دي

رد فعلكم هيكون ايه ؟؟؟؟؟؟؟؟؟؟؟؟؟؟؟؟

*****

ناس هترد و تقوللى احنا عارفين الكلام ده لكن الفواصل بين المواد لمجرد الراحة النفسية و العصبية اكتر منها للمذاكرة

هقول له نفس الموضوع و نفس الكلام

اللى واثق من نفسه و متوكل على ربه ميهموش انه يمتحن انهارده و يصبح بكره يمتحن برضو مهما كانت المواد

ماهو عمل اللى عليه و خلص نفسه تمام و جهزها قبل الامتحانات ... يخاف من ايه ؟؟؟؟؟

الخلاصة يا جماعة ان المفروض دلوقتي خلاص نشيل موضوع الجدول من دماغنا خالص

و نعتبر اننا هنمتحن كل المواد يوم العربي

و ف الآخر هفكركم بآية واحدة

<span style="color:#FF6666">" أن الله لا يضيع أجر من أحسن عملا "

شكرا
السلام عليكم و رحمة الله</span></div>