رساله هامه لمحمود سعد ارجو قراءتها ونسخها وارسالها له و اقتراحى لحل مشكله الاميه

[بدر البدور وائل]

السلام عليكم ورحمه الله
احنا المعلمين المساعدين نجحنا فى امتحانات الاكاديميه واخدنا الرخصه الدوليه لقياده الكمبيوتر وناجحين من شهر 12 وفات على عقدنا سنتين والقانون 155 لسنه 2007 فى الماده 73 بيقر بأن يعين كل من امضى عام دراسى كامل كمعلم مساعد وحاصل على شهاده الصاحيه يعين بقرار من المحافظ احنا طالبين التثبيت طبقا للقانون وكمان احنا الى شايلينالمدارس ومرتباتنا ضعيفه 340 جنيه بعد الاستقطاعات وكمان مالناش اعمال اضافيه زى المتثبتين ومطالبين بمحو اميه للافراد 10 ليه علشان يتجدد العقد يرضى مين يااستاز محمود الى بيعملوه فينا يرضى مين
اولا مطالبنا
1- نتثبت بقوه القانون لان لو جت باصيت حضرتك احنا بنمثل 75% من قوة المعلمين وكمان نفترض مدرس متثبت سافر أو استقال أو توفى والمدرس ده كان المدرس الاول واحنا كلنا تعاقد وتحت منه 2 فقط متثبتين ايه العمل ساعتها
اولا مالناش اعمال اضافيه
2- يوجد عجز صارخ وبنشيل حصص زياده وبعدينمش بتحاسب عليها
3- عايز يمنع الدروس الخصوصيه يدينى مرتب عدل مش 340 جنيه اطفح بيهم الدم يعملوا ايه واحنا مرتبنا 435 خاصمين 100 جنيه استقطاعات يتبقى 340
4 - انا خريج تربيه وماليش الا وظيفه واحده مدرس يعنى لنفع لاعب كورة ولا مهندس بترول ولا اتصالات ولا كهرباء علشان اجيب وسطه واشتغل هناك واخد الوفات احنا مدرسين
5- الكادر لم يستفد بيه الا كبار الموظفين 150%و125% و100% من الاساسى يعنى دول اساسيهم كده عالى يعدى 400 جنيه يعنى زادوا امنا الى زينا اساسيه 153 لما يزيد هياخد كم 50% من الاساسى
يعنى مرتبنا بعد الاستقطاعات وزيادة الكادر مش هيوصل 500 جنيه الحد الادنى الى الحكومه عايزة تعمله
6- اهم حاجه عايزين نقولها ان احنا لازم تريحونا وازا كنت عايز تربط المرتب بالانتاج فاحنا اهم قطاع فى الدوله وبنخرج اجيال وكمان انتوا الى بيتخلوا المدرسين يتعلموا الجشع ويدوا الدروس لانى اول ماتعين هدور على طلبه تاخد دروس لانى عايز اتجوز واجر شقه او ابنى شقه او اصرف على نفسى يرضى مين قوللنا ياحكومه ولا لازم نعتصم ونضرب عن العمل وبعدين يفصلونا مالعقد فى ايديهم
كمان موضوع محو الاميه له حل بدل مالمحافظين بيتعسفوا فيه اولا خريجى الجامعات فى دلوقتى شرط انه ياخد الرخصه الدوليه لقياده الكمبيوتر ليه الحكومه متحصرش اعدادالناس الى عايزة تمحى اميتهم فى كل محافظة وكل جامعه عندها بيانات الناس دى وعناوينهم وتكلف كل طالب بمحواميه خمسه زى مشروع تخرج حتى لو قدر يمحى اميه 3 بس منهم هنقضى على الاميه فى سنتين ونوفر الميزانيات الى بيلتهموها بتوع تعليم الكبار وكل طالب يخد الكتب لانه لسه وكمان فى فترة قبل الجيش للطلاب وكمان الخدمه العامه للطالبات ومتبقاش كده شرط تعجيزى لكل واحد مقدم على وظيفه حرام

ياريت يااستاز تهتم بالرساله دى لانكم استضافتم الوزير مرات قليله ومش بتتكلموا عن مشكلتنا اهتموا بينا زى الثانويه العامه يابيه وشكرا الراسل
مجموعه من المعلمين المساعدين بالدقهليه