مرة واحد مجنون !!!

[ReceptiveGuy]

مرة واحد مجنون قعد يتكلم وما حدش عبره

إذا نطق السفيه فلا تجبه فخير من إجابته السكوت

سكت عن السفيه فظن أني عييت عن الكلام وما عييت

الحلم

مين فيكم بعد فضايحكم ديه كلها
والضمير هنا ليكم كلكم من أولكم لآخركم لأن ده سؤال استفهامي برئ
مين يقدر يوصف نفسه بإنه حليم؟
مين يقدر يقول أنا صبور
الحليم على فكرة راجل عاقل جداً
راجل بيجيب م الآخر

أتذكر قصة أحد الحلماء دلوقتي من ذهني مباشرة
كان ماشي في طريقه لقريته وواحد ماشي وراه يشتمه ويسبه ويسب أهله
كان الراجل سمع عن مدى حلمه بس ما صدقش
كان بيعمل كل ده مجرد اختبار والتاني ما كانش يعرف
وهم مستمرين في طريقهم للقرية
ديه يشتم وده ساكت
وفجأة راح الحليم بصلوه وقالوه
أنا رجل ذو مكانة في قومي
ولو شافوك بتشتمني هيمسكوك يضربوك
فلو عندك شتيمة ولا لسه فاضل حاجة الحق قولها بسرعة عشان احنا قربنا وانا مستنيك لما تخلص
راح الرجل اكسف ع نفسه ومشي
ليه ما تقدرش تسيب اللي يقول يقول
كل واحد يتهزأ في المنتدى يسيب التاني
وإحنا وصغيرين كنا بيقول الكلب لما يهوهو ما حد بيرد عليه
لو واحد شتمك ليه ترد عليه؟
هتستفيد إيه؟
فيه أعذار كتير عشان ترد
لكن قلت قبل كده إللي عاوز حاجة بيحاول يمنطقها
وبفكركم
ظهورك كشخصية محترمة لا يعني أنك شخصية محترمة
ولو كان ظهورك كشخصية محترمة في المنتدى صعب عليك
أقترح عليك تسيبنا

وكل واحد اتهزأ يا جماعة حقه عليا انا شخصياً
وكان مرة واحد مجنون
.....