الجنة....ماذا تعرف عنها؟؟؟

[The_Relativistic200]

بسم الله الرحمن الرحيم
بداية الموضوع ده لا اعرف ادخله فى نطاق دينى او نقاشى
الا انه مش دينى بالظبط
المهم
الجنة
ماذا تعرف عنها؟؟؟
سؤال كبير ...
الا ان كتير اوى ومنهم انا مش بيفكر فيه بالمعنى المفهوم
دعونى اتكلم بمنطق التجار
وده بكام ...ودى بجنيه

ماذا تعنى الجنة بالنسبة لك ؟؟؟
مع انك تعرف النار كويس اوى
وبتستشعرها بجد
وعارف وحاسس ايه اللى ممكن يحصلك

ليه مش يبقى كده مع الجنة؟!!!!!

لا تجد احيانا الكثير من الدعاة من يحدثونك عن الجنة باستفاضة
او يرسم لك مشهدا منها

لا تجد كثيرا ...يسهب وصفه عنها
ولكن كلامه انك مثلا تعمل الصالحات وتدخل الجنة و...خلاص....هتعيش فى النعيم الابدى؟؟

غالبا ولعلى اجد الكلام قد حفظ وطويت عليه صحف العقل والقلب
ان الجنة بالنسبة للجميع
حديقة وزهور وجنينة وقعدة حلوة...واكل مما طاب ولذ
وحور عين وبس

اقف لحظة عند الحور العين
والتى اعتقد انى اجد بعض الشيوخ(مش كلهم) يتحدثون عنها بمنطق التصبيرة
اى ان ربنا ابتلاك بزوجتك اللى انت مش طايقها (كما يغلب على مجمل حديث بعضهم)
فانت تسرح بتفكيرك....وتقول امتى مثلا الاخرة تيجى بقى؟؟
عشان نشوف الحور العين
((ملحوظة :الدهماء من الشيوخ لا يتحدث اطلاقا عن الجنة بالنسبة للنساء))
قوللى ماذا تعرف انت بالله عليك
امرأة دخلت الجنة
بالبلدى
وبعدين
ما هى المميزات التى ستحصل عليها.....؟؟؟
مقارنة بحديث اى داعية عن الجنة بالنسبة للرجل



فى تلك اللحظة حالا
اجد راس كل منكم قد انشقت نصفين
وبرزت منها يافطة عريضة كتب عليها الحديث الشريف الذى لا اذكره تماما
وفيه (اعددت لعبادى الصالحين مالا عين رأت ولا اذن سمعت ولا خطر على قلب بشر)!!!!!
حسنا

امعانا فى التفكير او التخريف

هل اساسا من حق العبد انه يتمنى ان يحصل على اشياء معينة ...ضمن ما قد يحصل عليه
ان اكرمه الله بدخول الجنة....؟؟
بلاش نقول كلمة حق
لان فيها اساءة ادب مع الله عزوجل

يقول مثلا نفسى فى كذا او كذا.....


فرضنا فرض جدلى فقط
ان فرد س دخل الجنة
....البعض بتفكير سطحى جدا يغلب عليه العبط

ممكن انا بحب البلاىستيشن
ينفع انى اتمنى اكون فى الجنة قاعد ومعايا جهاز لوحدى مثلا !!!

او يكون فيه دى اس ال ومش بيعلق مثلا!!!!

ينفع..العب كورة مثلا

كل هذه قد يخطر على بال اى احد!
لانه غارق فى الدنيا حتى النخاع
حتى ان ذروة متعته قد اصبحت فى شوية البلاستيشن
او ان يتزوج او انه يصبح ناجح.....

قد يتهمنى البعض انى بدأت اخرف واعبط
واتكلم فى اللى مليش فيه وكده


نتحول حول الضوابط؟؟؟؟
هل لى ان افكر فى اى شئ وخلاص
وامعن واسهب واستتنطب فيه؟؟

ملحوظة: ان الشيطان ساعتها مش هيسيبك فى حالك
ودماغك هتبدأ تعك زى ما حصل فى المذكور آنفا



*****ارى الحقيقة انك عندما تفكر فى الجنة
اولا يجب ان يكون على اساس....
اساسك ايه!!!
تفكير....
بس كده
لازم عمل واجتهاد وايمان
فى الشغل وفى البيت فى كل مكان
....
ثانيا: اكيد مش بتلاقى وقت كتير تفكر
لان الحياة بتشغل الناس كتير
احتمال بتفكر قبل ما تنام
زى حالاتى كده....


****الجنة اعمق بكتير واكيد مما يتصوره اى مخلوق
لكن هل مثل هذا التفكير...جائز من الاساس؟؟؟؟؟

الافضل لو ان احدا وجد من اللينكات عن نعيم الجنة
لشيخ يثق فيه
يتفضل يبعتهالى؟؟؟
لكن بشرط
ميقولش نفس الكلام اللى قولته فوق!!!!!




نسيت
لو حبيت تبصق على الموضوع
قوللى عشان اجيب المنديل


طبعا مش ناقله