هتعملو ايه فى الاجازه ...؟ (^_^)

[محمود المخترع]

السلام عليكم جميعا (يارب تكونو بخير)
بعد ما خلصنا امتحانات كان لازم ويصح انى اقولكم
بدأت اول ايام الاجازه ودى معلومه جديده بالنسبالنا
وطبعا ليا الشرف انى اكون اول واحد يعمل الموضوع ده (مش عارف كده هكون مخالف ولا ايه)
بس انا عملتو عشان اعرف كل واحد هيفكر ازاى
فى الاجازه
وهيقضى ايامه ازاى و (محدش يقوللى الموضوع ده مكانه مش هنا)

واعرف ايه وجهات نظركم فى الثلاث شخصيات اللى هعرضهم عليكم حالا
(استنو جه وقت الرغى فرصه )
دول ناس بيتكلمو معايا وسألتهم سؤال هتعمل ايه فى الاجازه ؟؟؟؟؟؟؟؟ وده نفس السؤال موجه ليكم
دى ردودهم عليا

الشخصيه الاولى :. ده حماده او سلطان واد جديد كده
(اسامى مش ماشيه مع بعض اطلاقا )
فرد قائلا:
هاع ههه ........الاجازه !!!! يا برنس الموضوع اكبر من كده
انتا فكرتنى بالامتحانات !!!!!! ربنا يبارك فيك طبعا
(مع انه لسه مخلص امبارح) (فقال بتناكه وصوت ساخر) امتحانات ومذاكره وكلام كده ده انتا قديم وقطعة اثريه
يا ابنى الاجازه النهارده يعنى سيبنى بقى (من جوايا بقول وربنا ما انا سايبك)
فكمل قائلا
بص يا فنان (سورى قصدى يا مخترع) انا بقى هكون مختلف خال
ص هعمل حاجات جديده اوى (انا قولت هيغير الواقع او المستقبل مثلا )
انا هقضيها فسح بقى وخروجات وكوره ...طايره وكوره بتاخد حمام......اى حاجه فيها قلق وهزار وخنقه وكده ما انتا عارف بقى يا بوببو
(بقول من جوايا ده انتا ضايع خالص يا تامر قصدى حماده)
فقولتله اوك يا حماده جميل خالص هرد عليك بعدين بقى !! (اه لو يعرف اللى فى بالى هيقتلنى)
فرد قائلا: ممم هترد عليا بعدين !!!!! طب ماشى اسيبك انا بقى عشان وقتك خلص ومش هزودلك 5 عشان تقفل الاميل
وانا مش فضيلك ورايا حاجات هروح كده اظبط حالى

اه بيحبونى اوى
.................................................. .................................................. ........................
الشخصية التانيه:. ده بقى الاسطوره خالد شاب راجل فعلا مش اى words يعنى
رد بعد طرح السؤال قائلا

بص يا مخ (من جوايا بقول حتى انتا ياسطَوره ....مش سلطه ومخ الا كده)

انا بقى بعون الله هظبط حالى فى الاجازه دى وهحاول اجمعلى ارشين حلوين ينفعونى فى السنه الجايه واكافح يعنى اشتغل شغلانه كده اتودك فيها وبردو عشان اتعلم من الشغل حاجات كتير هسفيدنى فى الدراسه

قولتله زى ايه قاللى: زى مثلا لما اتعب فى الشغل اوى وافتكر التعب ده قبل ما اذاكر وقت الدراسه يعنى هذاكر جامد وطبعا غير فوائد كثيره من الشغل يا مخترع
بس احسن فايده هيا الفلووووس!!
وبردو جابلى سيرت الكوره اللى استحمت من شويه دى بس هوا محترم قاللى هلعب بس اوقات محدده
راح قايللى: ما انتا بردو عارف (بردو من جوايا لاء راجل فعلا انتا وحماده ،وايه كل شويه ما انا عارف هعديهالك يا اسطوره)
فقولتله فى وشه من غير ما اخاف اوك خالد حبيبى هرد عليك بعدين لما اجمع معلومات وكده
قاللى : اوك يا اسطى سلام دلوقتى بردو من جوايا كنت عايز () يللى سلام يا بارد قصدى غالد
.................................................. .................................................. ........................
وده بقى الشخصيه الثالثه:, اقدملكم ده العبقرى امين .....هقولكم ليه عبقرى..... اهدافه معروفه جدا وممكن يكون دمه عصير رمان
و هتعرفو لما تسمعو ادى ذقنى لو حد قرا ده

قاللى باأختصار شديد يا حودا

اولا / هحافظ على رقم 1/ الصلاه وقراءة وحفظه وسماعه القرآن والدعاء انى انجح اصلا ده بالنسبه للركن الدينى لانه اساس الحياه عشان منتفاجئش فى الاخره بالعذاب اعوذ بالله .... انتا عارف (بردو قالى هوا كمان نفس الكلمه ماشى يا امين)

والنقطه رقم 8 قصدى 2/ الثقافه والاستفاده من اخطائى اللى عملتها السنه دى عشان اعمل الصح السنه الجايه دى
فطبعا قاطعت كلامه بسرعه وقولتله ازاى ؟؟؟؟ قاللى انى اكيد لازم اثقف نفسى بنفى هجيب كتب عن الثقافه والاستفاده من اخطاء السابقين وقولتله زى ايه مثلا قالى كتب وفيديو فى التاريخ والعلوم والاعجاز العلمى وكده
و (كتاب دليل الطالب العبقرى لامين محمود صبرى اللى هوا انا و 30 قانون للمذاكره بردو لما ينزل باذن الله ) وكتب كتير بس انتا ابحث على النت يا مخترع وهتلاقى

ثانيا / هقضى وقتى بأنتظام شديد وصارم (من جوايا ايه يا حاج امين حتى كمان فى الاجازه تى حاجه تخنق.. فحسيت انه هيقولى سمعتك بتقول ايه فبطلت كلام من جوايا خالص)
فكمل قائلا اكيد هشتغل بردو فى الاجازه وهلعب كوره (من جوايا يااااادى الكوره دى كل شويه تستحمى ) وهتفرج على التيليفون قصدى التي فى (انا طبعا من جوايا قولت ايوه بقى اكيد هتسمع قنوات ميلوتشى وحمزاوى وال... وحاجات كتير بلاش ذكر اسامى لحسن عيب) فلقيته بيقوللى هسمع القنوات الدينيه والوثائقيه اكثر حاجه وبالنسبه لقنوات الافلام والكلام ده هسمع اه بس كل فين وفين ده لو فضيت لها (اكيد من جوايا بقول بدهشه مين ده؟ مين ده؟!!!)

ده جزء من راى امين الطالب المثالى فياريت يا جماعه الكل يقول هيعمل ايه فى الاجازه وهنفتح مواضيع كتير تخص الموضوع ده
(زى ايه اللى مفروض نعمله وكده)
وياريت بردو تقولو رايكم فى الموضوع
عشان هخلى الموضوع ده موجود هنا لغاية الاجازه ما تخلص ان شاء الله !(مصمم بردو انه اذا متنقلش من القسم اصلا)
طبعا انا عملتو بالصيغه دى عشان نخرج من جو الامتحانات ونعرف هنعمل ايه وفيه مفاجئات كتيره جايه طبعا فى ناس عارفاها
والسلام عليكم ورحمة الله وبركاته
ومنتظر ردودكم (وبالتوفيق فى الاجازه ان شاء الله)