ثلاجة وايت ويل أسوء ثلاجة فى مصر
أحب أن أنصح الأخوة لوجه الله لتلافى الخطأ الذى وقعت أنا فيه إشتريت ثلاجة وايت ويل 14.5 قدم ب 2675 ج من أسبوع وحتى اليوم لم أستفيد منها
أولا هى ثلاجة شيك جدا و شكلها تحفة بجد لكنها طلعت من برة هلا هلا و من جوة يعلم الله
الثلاجى دى يا جماعة الول متوصل الفيشة فى الكهربا الموتور بتاعها بيقوم بعد ربع ساعة
ثانيا محتاجة 220 فولت يعنى 220 مينفعشى كهربا اقل من كدة و طبعا عندنا فى مصر مفيش حاجة اسمها 220 فولت بمعنى انك لو قست الكهربا عندك بالنهار ممكن تكون 200 فولت وليلا ممكن تكون 180 فولت يعنى ان الثلاجة مش هتشتغل ليلا ابدا الا اذا اشتريت استبليزر ( محول كهربا ) و ده ثمنه 215 ج و طبعا ممكن يتحرق فى اى لحظه لانك هتشغله 24 ساعة
ثالثا لو مشغل غسالة او اى جهاز بيسحب كهربا كل ما الجهاز ده هيشتغل لازم يفصلك الثلاجة و طبعا موتورها مش هيشتغل قبل ربع ساعة و كدة يبقى عمرك ما هتستفيد منها وهذه هى تجربتى مع هذه الثلاجة الملعونه وقلت انصح الاخوه حتى لا تقع فى فخ وايت ويل و على فكرة جميع انواع الثلاجات الاخرى موتورها بيعمل من 160 فولت و تحياتى للجميع ( عماد )
|