مسألة فى الرياضيات(أرشيف تجميعى )

[Mikamy]

في البدايه بعد امتحان الاحياء امبارح..الواحد روح و نااام مقتول لانه من يوم الانجليزي مشافش نووم من صدمه الانجليزي و مذاكره للاحياء....الواحد صحى و اتوكل على ربنا و حاطط امله ان الرياضه حلوه و كــميـــلـــه خالص و ممكن تعوض كل اللي فات ان شاء الله.........دخلت اللجنه مبتسم عايز استقبل الامتحان و اخده في حضني ما هو ده اللي هيعوضني بعد ربنا......اول سؤال كمييييييييييييل خالص طيب قلت اتقل يا واد يا احمد ممكن يكون السؤال الاول سهل و الباقي متعرفش ! طيب دخلت في تاااااني سؤااااااااااااال و لقيته كمييييييييييييييييييييييييييل برضه ! قلت ما تقلقش من الامتحان بقى ده حتى حبيبك...سميت الله و دخلت في التااالت......و عينك ما تشوف لا نور و لا ضلمه !!! قعدت حوالي ربع ساعه عشان استكشف الحاجات اللي مكتوبه قدامي...و ربع ساعه تانيه عشان احاول استنتج هو مكتوب على كمبيوتر ولا اله كاتبه ؟! و ربع تالت عشان اعرف من المنهج اللي درسته في حياتي ولا لا و ربع ساعه اخيره اخمن اللي حاطط الامتحان ده من المريخ و لا بلوتو ؟! و في الاخر ما حليتش حاجه و روحت و مبتسم برضه و سعيييييييييد