خطف الاضواء من النجوم والوزراء

[السيد صابر]

المشاركة الأصلية كتبت بواسطة BlakBlak66

أستاذ ناالسيد صابر
إذا كان على العروسه موجوده ومضمونه بإذن الله 100سنه وأكتر
وشرطنا بسيط جدا
ورقة ضمان بإسم حضرتك وعليها توقيع إتنين موظفين لا يقل مرتبهم الشهرى عن15ألف جنيه وربع ومختومه بالشعار
وشكرا أستاذنا الكريم

15 ألف جنيه وربع
مرتب موظف واحد دى بقى وللا الاتنين

وبعدين أنا أروح أجبهملك منين لسه هسافر المريخ واقعد أبوس في إيد ده ورجل ده عشان يوقع على الورقة بتاعتك دي

وبعدين أنا اللي عايز الضمان مش, هي انت ناسي ان الحكومة واللي جابوا الحكومة بيعملولوها ألف ستمية اربعة وعشرين حساب
ولو زعلت ينفضوني وميخلوليش حتى الحديدة
دى غير اني ممكن أصحى في يوم ألاقيها خلعاني عند أي دكتور سنان وببلاش كمان
وبعدين الشعار محرم وممنوع ياعم
روح كده وحاول تعمل ورقة مطلوب عليها شعار الجمهورية
وابقى قابلني لو ختمتها
إلا إذا كنت موظف حكومي
أو ليك واحد حبيبك موووووووووت يختمهالك

أنا كنت عايز أعمل اشتارك كمستعير في المكتبة بتاعت الزقازيق
رحت أعطوني ورقة وقالولي املى البيانات واختمها من بالشعار
وكل ما أروح لواحد يقولي الشعار ممنوع
طب أنا أشترك ازاي واستعير الكتب ازاي مش عارف
ممكن تعرفني
وسيبك من العروسة
لإني كده شكلي هوفر القرشين اللي معايا واجبها صيني
رخيصة ورفيعه وبتيجي حسب المزاج
ومبتكلش ولا بتشرب متعوده بقى, أصلهم كتيير هايكلوا منين يعني
ومبتتكلمش عربي
يعنى لا تتخانق ولاتنكد عليك ولا تجبلك فريق قومي من العيال يجبولك زهايمر على الثلاثين
وكمان مش هتوجع دماغي بعايزه ولا هات ولا جيب ولا ودي
ولأن حجمها صغير ومثالي انت مش محتاج أكتر من ميدالية المفاتيح تعلقها فيها في حزامك وانت خارج انت وهي
وليها كتالوج كمان
على رأي أختنا تسابيح كله بقى صيني
يبقى اشمعنى العروسه اللي هعمل فيها وطني واجبها انتاج مصري؟
فكرتوني ببرنامج لمبة
عندي الحلقة بتاعت العروسة الصيني
وده الرابط بتعها

اشتري الزوجة الصينية ب 1000 جنية
ويبلاش