#1
|
||||
|
||||
![]() اغلط و تغلطى فيا اوى و تجرحينى و بعند او بالحق لازم تغلطينى صدقينى يا حبيبتى انا مش كدة و انتى كدة بالقسوة ديا هتخسرينى ------------------------- كل اما اقولك كلمة تفتكرى انى قاصد اجرحك او اكون بلمح او معاند لو تعرفى ازاى بحاول ارضى قلبك هتفكرى مية مرة قبل ما تقسى جامد ------------------------- لما بقول كلمة كدة من كتر المى بتفكرى انك سبب حيرتى و همى و انا بكون قصدى انى افضفضلك بحالى عشان مفيش غيرك بحس انا انه دمى ------------------------- و لما تضيق بيكى الحياة و تزيد جروحك تيجى على اللى دواه و حياته ملك روحك تقسى و قلبك يتهمنى بإنى بايع و ينسى حب كبير جمع طموحى و طموحك ------------------------- كام مرة فكرتى و لقيتى عندى حق كام مرة قلبك من قساوته عليا رق كام مرة قولتى اسفة فيها و اعتذرتى و انا بعتذرلك حتى لو كان عندى حق ------------------------- مش قادر اتكلم معاكى و انتى فى خيالك انى نفسى اجرحك ده اللى فى بالك عشان كدة لو جيت ابوس ايدك و اصالحك لازم لسانك قبلها يسأل سؤالك ------------------------- و تقولى ليه بعاملك وحش و بقسى عليكى و لو سألتى فى يوم لسانك هتلاقيكى انتى اللى مش طايقة كلامى و عشان حبيبتى شايفة فيا انا اللى اصلا هو فيكى ------------------------- يا حبيبتى عارف انك بجد خلاص تعبتى بس نفسى لو تحسى فى يوم بحيرتى زى ما انا حاسس بحملك فوق كتافك حملك و اكتر منه طوق حوالين رقبتى ------------------------- لو شايفة ان كلامى جارح او قصدى اسيبك او حاسة انى بشتكى يبقى ده عيبك انك و بعد المدة دى مش عارفة انى روحك و كل منايا انى افضل حبيبك بـــــــنــــــدق |
العلامات المرجعية |
|
|