اقتباس:
|
اصل البرادعي ده بالذات باين عليه اوي انه هيموت علي المنصب الراجل هيعمل اي حاجه وياخد المنصب
|
كعادة من يهاجم الرجل لم يقرأوا عنه ولكنهم "سمعوا" انه عاوز كذا وكذا. البرادعي لم يعلن ترشحه للرئاسة عشان نقول انه هايموت على المنصب مع العلم ان منصبه في وكالة الطاقة الذرية كان مهم زي منصب رئيس مصر. البرادعي قال انه هايترشح لو توافرت نزاهة الانتخابات.
اقتباس:
|
انتوا فاكرين الملوك والامراء اللي كانوا بيدخلوا التتار والفرنج بلاد المسلمين بسبب تكالبهم علي الحكم
|
دي بقى معروف مين البيعملها ومين البيدخل سفن امريكا وغيرها من قناة السويس ومين بيحاصر غزة فبلاش كلام غير منطقي
اقتباس:
|
اولها علشان يكسب ود النصاري قال هلغي لكم الماده التانيه في الدستور
|
لم ولن يحدث ان البرادعي فكر في الغاء هذه المادة مع ان الحزب الوطني لغاها فعليا من حياتنا
اقتباس:
|
وطبعا مش نسي الاخوان وعلشان مش يقلبوا عليه قالهم متخافوش هعملوكم حزب
|
مانسيش الاخوان لانه رجل سياسة مش بيتعلم في الشعب واي شخص يريد عمل اصلاح سياسي حقيقي لا يمكنه تجاهل الاخوان المسلمين لانهم مصريين وليسوا قادمين من المريخ.
اقتباس:
|
وطبعا هو عارف ان فئه كبيرة من الشعب متصوفه وبتحب مسجد الحسين جدا فقال لما اروح اضحك علي عقول الناس ديه واصلي في المسجد ده بالذات
|
ده على اعتبار ان المتصوفة ناس بيضحك عليها طبعا لكن عبقريتك هي الكشفت اللعبة . انا بروح اصلي في الحسين والمصريين كلهم بيصلوا هناك وهو كانسان مصري مسلم من حقه انه يصلي في اي مسجد مع العلم انه كان مرتزقة الوطني قالوا انه راح يصلي هناك عشان يكسب الشعية بس هو كان المفروض يروح يصلي في شرم الشيخ معاك حق .
ما علينا من الاتهامات فهي كلها مضحكة و تم تفنيدها "الرد عليها يعني" مئات المرات.
هذه هي مطالب البرادعي والجمعية الوطنية للتغيير لاصلاح مصر
- إنهاء حالة الطوارئ
- تمكين القضاء المصرى من الاشراف الكامل على العملية الانتخابية برمتها.
- الرقابة على الانتخابات من قبل منظمات المجتمع المدنى المحلى والدولى.
- توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
- تمكين المصريين في الخارج من ممارسة حقهم في التصويت بالسفارات والقنصليات المصرية.
- كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
- الانتخابات عن طريق الرقم القومي.
مصر تدهورت إلى حد كبير.بمعنى آخر لابد أن نكون نحن من يقرر مسير هذا البلد، نحن من يختار من يحكمنا ،أن يكون هناك تداول للسلطة، أن يكون هناك شفافية، أن تكون هناك محاسبة. هل ده موجود عندنا؟
الاصلاح السياسي المطلوب عمله مرتبط كليا باصلاح حال الناس من الاسعار للسكن للعلاج لاننا سنتملك دولة وحكومة تراعي المواطن المصري في سياستها لانه هو من اتى بها وليست مفروضة عليه.
28-04-2010, 10:50 AM
العرض الشجري
