ممكن لو سمحتم بلاش بلبلة

[د/بسمة الاسلام]

بسم الله الرحمن الرحيم
السلام عليكم ورحمة الله
بقولكم ايه
ممكن افهم بقي ايه البلبلة الى شغالة ف البلد دي
بجد يعنى وسائل الاعلام وخصوصا برامج التوك شو بيعملوا كده ليه؟
هم عوزين يشغلونا عن الاحداث الجارية المعاصرة وحياتنا ومشاكلنا
ونقعد ونشرب شاي ونتناقش فى تعديل الدستور والنظام السياسي ووو
وكلها مسلسلات
اه بيجوا يطلعوا فى العاشرة مساءا و 90 دقيقة يمثلوا علينا ويعملوا حوارات علشان يشغلونا ويغيبونا عن الواقع
لان كلامهم ولا بيقدم ولا بياخر
حالة شوشرة و ضوضاء وضباب اعلامى عقيم
ام انهم يفعلون ذلك لياتى العدو الاجنبي ويحتلنا بحجة التنظيم والتدخل في شئون البلاد الداخلية
يعني مش كل مواطن صالح ومتعلم ومثقف ومتدين و و و ومنقصناش غير التعديلات الدستورية والتغييرات السياسية دى اخر حاجة ممكن نفكر فيها
بس قبلها نحل المصايب والبلاوى و ينعم الفرد بحقوقه البسيطة
سياسة ايه بس ؟
مذيع ولا مذيعة يدوشونا بكلام مسجوع محفوظ اجوف من المعانى
اعذرونى لتعصبى وانفعالى فى كتابة الموضوع
لكن انا مقدرش اتصور
ان امريكا او اسرائيل يحتلونا بسبب معتز او منى الشاذلى