"احـبــــــــــــــــك" هل هى موجوده وصادقة؟

[basmet el rabi3]

الحب الحقيقى موجود فى كل وقت يا عبير , لكن فى الأول بيكون ضعيف زى الطفل المولود أو البرعم الصغير , و بيكون محتاج للرعاية و الحماية حتى يكبر و يشتد . المشكلة من وجهة نظرى إن معظم الناس بتفتكر إن الحب من أوله كبير ... و بيتعاملوا معه على هذا الأساس , فإذا تعرض لهزات أو مواقف صعبة و شديدة .. ما يتحملهاش ( زى الطفل الصغير تمام ) و ينتهى .
الحب يكبر بالعطاء المتبادل .. يعنى بالأفعال مش بالكلام ... الأفعال المخلصة اللى طالعة من القلب ... لكن كثرة الكلام بدون فعل تبقى زى الفقاعات الملونة تضيع فى الهواء بسرعة و لايبقى لها أثر .