مكرر

[منار على]

المشاركة الأصلية كتبت بواسطة مروهم محمد

انا معينه بنظام الحصه كمدرسه لغه انجليزيه وهذه اول سنه لي في مدرسه اعدادي والمدرسه الاولى معاملتها في غايه الشده والقسوه واسلوب غير تربوي وتعليق على ملابسي وعلى فين في الفسحه او وقت الراحه اجلس ولا تريد ان نفهمني اي شيء وبعد ذالك تأخد على اخطاء على الرغم من اني الحمد لله ابذل قصارى جهدى وتلامذتي يحبوني لدرجه انهم طلبو مني دروس خاصه وقد رفضت وعندما علمت هي بذالك ازدادت فظاظه طيب لو كنت قبلت كانت عملت ايه وهذه المدرسه في بلد تبعد عن مكان سكني مواصلتين والاداريات كسولات ويريدون مني ان انهى حصصي واكتب مرتبي واخلص الورق من الاداره بنفسي مع ان هذا شغلهم وليس شغلي غير ان المدرسه تحملني حصص احتياطي وانا بالحصه ليس لي واشعر بالخجل ان اكسف مدرس او ناظر في سن والدي ولكن حقا قد اختنقت من هذا الاستغلالال ولا اعرق ماذا افعل فهم مستغلون انى جديده ولا اعرف حقوقي ارجووووووووووووك ساعدني؟

اسمحيلى انتى اللى غلطانه فى الموضوع دا

للاسف فيه ناس بتفهم الطيبه والذوق فى البلد دى على انه عبط ومش بيقدروا دا بالعكس بيستغلوه

انا شايفه ان بالنسبه للمدرسه الاولى انا لو كنت مكانك كنت اديت دروس خصوصيه لسببين

اولهم انك تثبتى نفسك قدامها

لان واضح جدا انها حست بالخطر من اول مادخلتى المدرسه وبتحاول تقلل من قدراتك وكفاءتك

وانتى بتديلها الفرصه للاسف

فافضل شىء انك تثبتى نفسك قدامها وتدى دروس وتنفسيها وتعرفيها ان ليكى شخصيه وبتعرفى تردى على اى حديضايقك

وتانيهم انك تعرفيها ان مش سهل انها تتحكم فيكى او تضايقك وان عندك شخصيه قويه

وبالنسبه للبسك فعرفيها انك حره تلبسى اللى انتى عايزاه مادام لبسك محترم ومالهاش انها تتدخل حتى لو

قلتلها دا مباشره فى وشها

وبالنسبه لانك لو احتجتى حاجه فى الماده فانصحك متسالهاش وتتجنبيها فى حاجه زى كدا

وتحاولى تلجاى لحد تانى ويفضل من بره المدرسه او تكلمى موجهك

لان شخصيه زيها هتستغل دا ضدك حتى لو بعدين

ولو انا منك اتجنبها على قد مااقدر واثبت كفائتى قدامها وقدام الكل

اما بالنسبه للاحتياطى وباقى الكلام اللى قلتيه فدا بيرجع ليكى انتى كشخصيه

لازم تعملى لنفسك شخصيه وكيان وتجبرى الكل على احترامك ومراعاتك

لان اللى حواليكى لو حسوا بطيبتك الزايده او ضعف شخصيتك فتاكدى ان كتير هيحاولوا

يستغلوا دا