اتبسمي ووعد مني ما تندمي

[أنت___عمري]

اتبسمي ووعد مني ما تندمي
اتبسمي على شط بحري واحلمي
وشوشي قلب الصَدف
بحب غالي ما اتوصف
وارميها في البحر انما
اتأملي خد السما
تلقي القمر جايب رسالة
بوسي القمر وسلمي
اتبسمي
******
افتحي دي رسالة مني والقمر
بعد السلام يا أحلى من كل البشر
كنت قاعد ع البحر يوم
كنت بشكيله الهموم
صُدفة صَدفة منه جتلي
وصفتلي اشواقك قالتلي
إنك ملاك لكن بشر
فبعتلك مع القمر
رسالة مني .. اتبسمي
ووعد مني ما تندمي
*****
يا حبيبة .. بينا سد وموج وبحر
يا قريبة .. طعم دنيا عايشها مر
تعالي حلي كل شيء
والحقي قلبي البرئ
نفسي اقول كتير بحبك
الدفا وانا جنب قلبك
خلينا احباب القمر
يضمنا يحلا السهر
دي الرسالة والختام
مني سلام .. هتسلمي..
اتبسمي
ووعد مني ما تندمي