المستقبل ضاع مننا اترحموا عليه

[εїз فيونكة فوشية εїз]

الصراحه انا مع كل قرارات الوزير
وحتى جدول الامتحانات معاه
انا عارفه الكلام ده هيضايق كل اللى ف 2ث
بس فعلا انا اقولكم وجهة نظرى في اولا في الجدول
لما الطالب يكون فيه قبل كل امتحان 3 ايام ع الاقل لكل ماده
ممكن(انا بقول ممكن)يطنش المادة ويقول لنفسه انا هلحق الم المادة
كلها في 3 ايام ويفضل طول السنه ع الدرس وحل واجب الدرس وبس
ودى لاتعتبر مذاكرة طبعا على اساس علمه انه هيقدر يلم الماده في الكام يوم قبل الامتحان
فالوزير قال لنفسه لو مخليتش فيه اجازة قبل الامتحانات العيال(قصدى الطلاب)
هتشد حيلها من اول السنه عشان مفيش وقت قبل الامتحان للمراجعه اصلا
وانا بحيي فعلا الوزير على عبقريته الفذه عشان يخلى الطالب يذاكر غصب عنه
احم احم
علفكرة انا زيكوا في تانيه ثانوى وغير كده علمى
وكل الكلام اللى قلته هو كل قدرتى التحليليه لقرارات الوزير

ندخل بقي في الموضوع التانى بقي بتاع ان الامتحانات صعبه
ماهو لو انت ذاكرت كويس من اول السنه وشادد حيلك
طبيعي مفيش حاجه هتقف ادامك ولو كان ابو الهول بجلالة قدره
لكن لو مراخى بقي وناسي المذاكرة طبيعي هتخاف وهتترعب
هو طبيعي كل الناس مرعوبه اللى شادد حيله واللى مطنش
لكن رعب اللى مطنش هيكون اضعاف مضاعفه
هو الرعب ده شئ جميل جدا بس للى شادد حيله عارفين ليه؟
عشان هيخاف من الامتحان و هيشد حيله اكتــر واكتر تحسبا لصعوبة الامتحان
لكن بقي للى مطنش الرعب ده زى الكابوس لاهو قادر يذاكر ولا اى حاجه

ســــــــــــورى يا جماعه بس انا قلت رأيي

انا عندى احساس ان كل اللى قرا كلامى هاين عليه
يمد ايده ويخنقنى
بس للاسف هو ده الواقع

تقبلوا مــــــــــرورى
مع انى عارفه انكم مش هتتقبلوه